කාලගුණ විද්‍යා දෙපාර්තමේන්තුව විසින් තද වැසි ගැන අවවාදාත්මක නිවේදනයක් නිකුත් කර තිබෙනවා.
ඒ, අනුව පවතින සක්‍රීය නිරිත දිග මෝසම හේතුවෙන්, දිවයිනේ නිරිත දිග ප්‍රදේශවල දැනට පවතින වැසි සහ සුළං තත්ත්වය අද (01) දිනයේ දීත් තවදුරටත් පවතින බවයි දැනුම් දෙන්නේ.
බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්ක වලත් විටින් විට වැසි ඇති ඇති විය හැකි බව කාලගුණ විද්‍යා දෙපාර්තමේන්තුව ඉකුත් කළ නිවේදනයේ දැක්වෙනවා.
එමෙන්ම ඇතැම් ස්ථානවලට මිලි මීටර් 100ට වැඩි තද වැසි ඇති විය හැකි බවයි එම දෙපාර්තමේන්තුව සඳහන් කරන්නේ.
මේ අතර ඊයේ (31) පෙරවරු 8.30 සිට අද (01) පෙරවරු 6.00 දක්වා කාලය තුල වැඩිම වර්ෂාපතනය කෑගල්ල දිස්ත්‍රික්කයේ බුලත්කොහුපිටිය ප්‍රදේශයෙන් වාර්තා වී තිබෙනවා.
එම අගය මිලි මීටර් 136.5ක් බවයි කාලගුණ විද්‍යා දෙපාර්තමේන්තුව සඳහන් කළේ.
