හැටන් කොටගල නගරයේ තොග වෙළදසැලක පරිභෝජනයට නුසුදුසු ගුල්ලන් සහිත කහ පරිප්පු කිලෝ 1740ක් කොටගල සෞඛ්‍ය වෛද්‍ය නිළධාරි කාර්යාලයේ මහජන සෞඛ්‍ය පරික්ෂකවරුන් විසින් සිය භාරයට ගෙන (09) දින හැටන් දිසා විනිසුරු සහ මහේස්ත්‍රාත් පීටර් පෝල් මහතා ඉදිරපත් කිරිමෙන් අනතුරුව එම පරිප්පු තොගය භූමිතෙල් ඉස විනාශ කිරිමට මහේස්ත්‍රාත්වරයා මහජන සෞඛ්‍ය පරික්ෂකවරුන්ට නියෝග කර තිබෙනවා.
පරිප්පු තොගයේ අයිතිකරු අධිකරණය හමුවේ වරද පිලිගත් නිසා සැකකරුට රු.2000ක දඩයක් ගෙවන ලෙසටද දිසා විනිසුරු සහ මහේස්ත්‍රාත්වරයා නියෝග කළා.
මහේස්ත්‍රාත්වරයාගේ නියෝගය මත තලවකැලේ ලිදුල නගර සභාවේ කැලි කසල ප්‍රතිචක්‍රීකරණ මධ්‍යස්ථානය වෙත රැගෙන යන ලද කහ පරිප්පු තොගය මහජන සෞඛ්‍ය පරික්ෂකවරුන් විසින් විනාශ කරනු ලැබුවා.
පරිප්පු තොගයේ වෙළදපොළ වටිනාකම රු. පන්ලක්ෂ විසි දෙදහසක් (5,22,000) වන අතර, කොටගල සෞඛ්‍ය වෙද්‍ය නිළධාරි කාර්යාලයේ මහජන සෞඛය පරික්ෂකවරුන් විසින් පසුගිය දා කොටගල නගරයේ සිදු කල හදිසි පරික්ෂාවකදී ගබඩාවක සගවා තිබූ මෙම පරිප්පු තොගය සිය භාරයට ගෙන අධිකරණය වෙත ඉදිරිපත් කිරීමට කටයුතු කරනු ලැබුවා.
