FIFA ලෝක කුසලාන තරගාවලියේ අවසන් 16 දෙනාගේ වටයට සුදුකම් ලබන්නට මෙවර ලෝක කුසලානයට සත්කාරකට සපයන මෙක්සිකෝ කණ්ඩායමට අඟහරුවාදා හැකියාව ලැබුණා.
ඉක්වදෝරට ගෝල දෙකට බිංදුවක් ලෙස පරාජයකරමින් මෙක්සිකෝව ලැබූ මෙම ජයග්රහණය සමරන්නට මෙක්සිකෝවේ නගර රැසක ජය සැමරුම් පෙළපාලි සහ උත්සව පැවැත් වුණා.
මෙම සැමරුම් උත්සව අතරතුර පුද්ගලයින් සිව්දෙනෙක් මියගොස් ඇති බව විදෙස් මාධ්ය තොරතුරු වාර්තා කරනවා.
මෙලෙස මියගිය අය අතර 19 හැවිරිදි තරුණියක් සහ 48 හැවිරිදි කාන්තාවක් ද සිටින බවයි වාර්තා වන්නේ.
ඊට අමතරව 44 හැවිරිදි පුද්ගලයෙක් හා 30 හැවිරිදි තරුයෙක් ද සිටින බවයි විදෙස් මාධ්ය තොරතුරු වාර්තා කර තිබුණේ.
මොවුන්ගෙන් තිදෙනෙක් අධික තෙරපීම හේතුවෙන් හුස්ම හිරවී මියගොස් ඇති බව වාර්තා වනවා.
මේ අතර සෞඛ්ය බලධාරීන් පැවසුවේ හදිසි සේවා මගින් පසියෝ ඩි ලා රෙෆෝමා අවට විවිධ ස්ථානවල සිහිසුන්ව සිටි පුද්ගලයින් තිදෙනෙකු රෝහල් ගත කිරීමට කටයුතු කළ බවයි.
1986 සිට රට ලැබූ පළමු ලෝක කුසලාන පිළිමළුන් පිටුදැකීමේ ජයග්රහණය සනිටුහන් කිරීම සඳහා මිලියනයකට අධික ජනතාවක් ප්රධාන වශයෙන් සැන් ජුවා නගර මධ්යයේ වීදි බැස ජයසැමරීමට එක්ව සිටියා.
