වීරකැටිය පොලිස් වසමේ කිංචිගුණේ ප්රදේශයේ පුද්ගලයෙකුට තියුණු ආයුධයකින් පහරදී ඝාතනය කර තිබෙනවා.
ඊයේ (27) රාත්රියේ මෙලෙස ඝාතනය ලක්ව ඇත්තේ අවුරුදු 30 ක් වූ හකුරුවෙල ප්රදේශයේ පදිංචිකරුවෙක් බවයි වාර්තා වන්නේ.
මෙම පුද්ගලයා තවත් පුද්ගලයෙකු අතර ඇති වූ ආරවුලක් මත තියුණු ආයුධයකින් පහරදී මෙම ඝාතනය සිදුකර ඇති බවට දැනට සිදුකළ විමර්ශනයේ දී අනාවරණය වී තිබෙනවා.
මෙම ආරවුල අතරතුර පහරදීම සිදුකළ සැකකරුගේ මව ද තුවාල ලබා වීරකැටිය රෝහලේ ප්රතිකාර ලබනවා.
මැදමුලන ප්රදේශයේ පදිංචි අවුරුදු 29ක් වන සැකකරු අත්අඩංගුවට ගෙන ඇති බවයි පොලිසිය සඳහන් කළේ.
මෙලෙස ඝාතනයට ලක්වූ පුද්ගලයා සමගි ජනබලවේගයෙන් ප්රාදේශීය සභා අපේක්ෂකයෙකු ලෙස මැතිවරණයට ද ඉදිරිපත් වූ අයෙක්.
මෘත ශරීරය වීරකැටිය රෝහලේ මෘත ශරීරාගාරයේ තැන්පත් කර ඇති අතර වීරකැටිය පොලිසිය වැඩිදුර විමර්ශන සිදුකරනු ලබනවා.
ඔබේ ප්රතිචාරය කුමක්ද ?
+1
+1
+1
+1
+1
1
+1
+1
