ස්ත්‍රී දූෂණ චෝදනා දෙකකට නෝර්වේ ඔටුන්න හිමි කුමරියගේ පුතා හිරේට

ස්ත්‍රී දූෂණ චෝදනා දෙකකට වැරදිකරු වූ නෝර්වේහි ඔටුන්න හිමි කුමරිය වන මෙට්-මැරිට්ගේ පුත්‍රයා වන 29 හැවිරිදි මාරියස් බෝර්ග් හොයිබි හට වසර හතරක සිර දඬුවමක් නියම කර තිබෙනවා.

නඩු විභාගයේ විනිසුරුවරුන් තිදෙනාගෙන් එක් අයෙකු වන විනිසුරු ජෝන් ස්වර්ඩ්‍රප් එෆ්ජෙස්ටාඩ්, තීන්දුව පැහැදිලි කරමින් පිටු 128 කින් යුත් තීන්දුවකට යාමට පෙර අද (15) පෙරවරුවේ සැසිය ආරම්භ කළේ ඔවුන්ගේ නිගමනවල සාරාංශයක් සමඟින්.

මෙහිදී හොයිබි ඔහුට එල්ල වී තිබූ දූෂණ චෝදනා හතරම ප්‍රතික්ෂේප කර තිබුණද, විනිසුරුවන් ඔහුට කාන්තාවන් දෙදෙනෙකු දූෂණය කිරීමේ චෝදනාවට වරදකරු කරනු ලැබුවා.

ඉන් එකක් 2018 දී ස්කොගම් හි ඔටුන්න හිමි කුමරුගේ වතුයායේ සහ තවත් එකක් 2024 දී ඔස්ලෝ හි කාන්තාවක් සම්බන්ධ දූෂණ චෝදනාවක්.

මේ අතර ඔහු ඔස්ලෝ හි හෝටලයකදී මුණගැසුණු කාන්තාවක් දූෂණය කළ බවට සහ 2023 දී ලොෆොටන් දූපත් වල නිවාඩුවක් ගත කරමින් සිටියදී ඔහු මුණගැසුණු කාන්තාවක් දූෂණය කළ බවට එල්ල වී තිබූ චෝදනාවලින් ඔහු නිදහස් කෙරුණා.