භික්ෂුත්වයෙන් නෙරපූ රාජාංගනේ සද්ධාරතන නමැති චීවරධාරියාට නාඳුනන පුද්ගලයන් දෙදෙනෙකු විසින් පහර දී තිබෙනවා.
ඊයේ (13) රාත්රියේ මෝටර රථයකින් පැමිණි මුහුණු ආවරණය කරගත් දෙදෙනෙක් විසින් මෙම පහරදීම සිදුකර ඇති බවයි වාර්තා වුණේ.
පහරකෑමෙන් තුවාල ලැබූ චීවරධාරීයා ප්රතිකාර සදහා අනුරාධපුර රෝහලට ඇතුළත් කර ඇති බව අනුරාධපුර පොලිසිය සඳහන් කළා.
පහරදීමෙන් අනතුරුව චීවරධාරීයා සතුව තිබූ ජංගම දුරකථනය සහ ලැප්ටොප් පරිගණකය පැහැරගෙන ගොස් ඇති බවට ද තොරතුරු වාර්තා වනවා.
සිද්ධිය සම්බන්ධයෙන් අනුරාධපුර පොලිසිය විමර්ශන සිදුකරනු ලබනවා.
