ජාතික පානීය ජල ප්රතිපත්තිය ක්රියාත්මක කිරීම තුළින් ඉදිරියේ දී පානීය ජල මිල ගණන් අඩුවනු ඇති බව නිවාස ඉදිකිරීම් හා ජල සම්පාදන අමාත්යය සුසිල් රණසිංහ පවසනවා.
එප්පාවල අද (13) පැවති උත්සවයකින් අනතුරුව මාධ්ය වෙත අදහස් දක්වමින් අමාත්යවරයා මේ බව සඳහන් කර සිටියා.
“ජල සම්පාදන මණ්ඩලයේ ජල බිල හදන්න විතරයි, ෆෝමියුලා එකක්, සූත්රයක් තියෙන්නේ, ඒක අනුමත අවුරුද්දකට දෙවරක් ජල බිල සම්බන්ධයෙන් සමාලෝචනය කරලා, ඒක විද්යාත්මක විදිහට තමයි හදන්නේ. නමුත් ඊට පිටින් තියෙන ප්රාදේශිය සභා ජල සැපයුම් තියෙනවා, වෙනත් ග්රාමීය ජල සැපයුම් තියෙනවා දෙපාර්තමේන්තු වෙන්න පුලුවන් ආයතන වෙන්න පුලුවන් , රාජ්යය නොවන සංවිධාන ක්රියාත්මක කරනවා වෙන්න පුලුවන්, ඒ වගේම ජලය විකුණන ආයතන තියෙනවා, මේවාවල නියාමනයක් නෑ, ඒ නිසා අපි අවිවාදයෙන් පිළිගන්න ඕන ජාතික වශයෙන් මේ පානීය ජලය මොන මිල ගණන් යටතේ ද විකුණන්න ඕන කියලා සැලැස්මක් අපිට ඕන.ඒ නිසා තමයි අපි ජාතික පානීය ජල මිල ගණන් පාලනය කිරීම සඳහා ප්රථිපත්තිය අපි අනුමත කලේ, අපි බලාපොරොත්තු වෙනවා ඒ අනුව ඉදිරියේ දී සාධාරණ මිල ගණන් හා ක්රමවේදයන් සකස් කරලා ඒ ආයතනවලට ලබාදෙන්න ඒ නිසා අපි බලාපොරොත්තු වෙනවා බොහෝ තැන් වල මිල ගණන් අඩු වෙයි කියලා, ජනතාවට අසාධාරණ විදිහට හෝ නොගැලපෙන මට්ටමින් තියෙන මිල ගණන් විදිමත් භාවයකට එයි කියලා අපි හිතනවා.”
.ජාතික ජල ගාස්තු ප්රතිපත්තිය ක්රියාත්මක කිරීමට අමාත්ය මණ්ඩල අනුමැතිය හිමි වූ බව මෙම සතියේ පැවති කැබිනට් තීරණ දැනුම්දීමේ මාධ්ය හමුවේදී කැබිනට් මාධ්ය ප්රකාශක අමාත්ය නලින්ද ජයතිස්ස දැනුම් දුන්නා.
