මගී ප්රවාහනය කරන සියලුම වාහන මාස තුනකට වරක් තත්ත්ව පරීක්ෂණයකට කටයුතු කිරීම ඉදිරියේ දී අනිවාර්ය කරන බව ප්රවාහන, මහාමාර්ග හා නාගරික සංවර්ධන අමාත්ය බිමල් රත්නායක පවසනවා.
අද (09)ම පාර්ලිමේන්තුවේ දී අදහස් දක්වමින් අමාත්යවරයා මේ බව සඳහන් කළා.
ඉතා අවම මුදලකින් මෙම පරීක්ෂණය සිදුකර ගත හැකි පරිදි කටයුතු සකසන බවයි අමාත්යවරයා මෙහිදී සඳහන් කර සිටියේ.
ඒ, අනුව මගී ප්රවනය කරන බස් රථ, පාසල් ළමුන් ප්රවාහන කරන වෑන් රථ, කාර්යාල සේවක ප්රවාහන රථ වැනි සියලුම මගී ප්රවාහනය වාහන මෙම තත්ත්ව පරීක්ෂණය සිදුකළ යුතු බවයි ඔහු වැඩිදුරටත් පැවසුවේ.
මේ අතර රථවාහන වැරදි සම්බන්ධයෙන් රියදුරු බලපත්රවල ලකුණු කැපීමේ (Demerit System) නව ක්රමවේදය ලබන සැප්තැම්බර් මාසයේ සිට රට පුරා නියමු ව්යාපෘතියක් ලෙස ක්රියාත්මක කිරීමට සැලසුම් කර ඇති බවත් අමාත්යවරයා මෙහිදී පැවසුවා.
මෙම ලකුණු කැපීමේ ක්රමවේදයෙන් තොරව රියදුරන් තුළ විනයක් ඇති කළ නොහැකි බව අමාත්යවරයා පාර්ලිමේන්තුවේ දී අවධාරණය කළා.
