ළමා අපයෝජනය සම්බන්ධයෙන් වන ගැටළු ආගමික ආයතන තුළ පමණක් සිදුවන බව පෙන්වීමට ඇතැම් කණ්ඩායම් උත්සාහ දරන බව එක්සත් ජාතික පක්ෂය පවසනවා.
එම පක්ෂය විසින් විශේෂ නිවෙද්සනයක් නිකුත් කරමින් මේ බව සඳහන් කර තිබෙනවා.
මෙම තත්ත්වය ආගමික ආයතනවලින් ඔබ්බට ගොස් සමස්තයක් ලෙස රට පුරාවටම ව්යාප්තව ඇති සමාජීය ගැටලුවක් බවට අදාළ කණ්ඩායම් පිළිනොගන්නා බවත් අදාළ නිවේදනයේ සඳහන් වනවා.
අපයෝජනයන්ගෙන් දරුවන් ආරක්ෂා කරන නීති සම්පාදනය කිරීම සහ ශක්තිමත් කිරීම සඳහා අදාළ සියලුම කණ්ඩායම් සමඟ පුළුල් පරාසයක සාකච්ඡා පවත්වන ලෙස එක්සත් ජාතික පක්ෂය රජයෙන් ඉල්ලා සිටිනවා.
මෙය ආගමික අගතියෙන් වැසීයාමට හෝ දේශපාලනීකරණය නොවී විසඳිය යුතු ගැටලුවක් බවයි එක්සත් ජාතික පක්ෂය පෙන්වා දෙන්නේ.
