තමිල්නාඩු නව මහ ඇමති ලෙස අද (10) දිවුරුම් දුන් ජෝසප් විජේට ජනාධිපති අනුර කුමාර දිසානායක සුබපැතුම් එක්කර තිබෙනවා.
ජනාධිපතිවරයා සිය නිල එක්ස් ගිණුමේ සටහනක් තබමින් මෙලෙස සුබපැතුම් එක්කර තිබුණා.
ශක්තිමත් ඉන්දියා-ශ්රී ලංකා හවුල්කාරිත්වය තුළ, වැඩි සමෘද්ධියක් සහ ප්රගතියක් සඳහා එක්ව කටයුතු කිරීමට තමන් බලාපොරොත්තු වන බවයි ජනාධිපතිවරයා එම සුබ පැතුම් පණිවුඩයේ දක්වා ඇත්තේ.
ජනාධිපතිවරයාගේ සුබපැතුම් පණිවුඩය පහතින්.
තමිල්නාඩු මහඇමති ධුරයට පත්වීම පිළිබඳව ගරු සී. ජෝසප් විජේ මහතාට සුබ පැතුම්.
ශ්රී ලංකාව සහ තමිල්නාඩුව ඉතිහාසය, සංස්කෘතිය, ව්යවසාය සහ පරම්පරා ගණනාවක් පුරා පවතින ජනතාව අතර සබඳතා හරහා සම්බන්ධ වී ඇත. ශ්රී ලංකාව සහ ඉන්දියාව වඩාත් සමීප සබඳතා සහ ශක්තිමත් හවුල්කාරිත්වයක් ගොඩනඟා ගැනීම දිගටම කරගෙන යන බැවින් අපගේ අනාගතය අතිමහත් ආර්ථික පොරොන්දුවක් සහ අවස්ථාවක් ඇත.
ශක්තිමත් ඉන්දියා-ශ්රී ලංකා හවුල්කාරිත්වය තුළ, වැඩි සමෘද්ධියක් සහ ප්රගතියක් සඳහා එක්ව කටයුතු කිරීමට මම බලාපොරොත්තු වෙමි.
ඔබට සහ තමිල්නාඩු ජනතාවට සෑම සාර්ථකත්වයක්ම ප්රාර්ථනා කිරීමට ශ්රී ලංකාවේ ජනතාව මා හා එක්වෙති.
