සියදිවි හානිකරගෙන නිවසක් තුළ දී මියගොස් සිටි ශ්රී ලන්කන් ගුවන් සමාගමේ හිටපු ප්රධාන විධායක නිලධාරි කපිල චන්ද්රසේනගේ දේහය පොලිස් මෘත ශරීරාගාරය වෙත අද (08) දහවල් රැගෙන ගොස් තිබෙනවා.
කොල්ලුපිටිය පේද්රිස් මාවත අංක 37 නිවසේ දොරක එල්ලෙමින් තිබිය දී ඔහුගේ මෘත ශරීරය අද (08) උදෑසන සොයාගත් බව පොලිසිය සඳහන් කළා.
කොටුව මහේස්ත්රාත් පසන් අමරසේන මහතා විසින් ස්ථානීය පරීක්ෂණය සිදුකිරීමෙන් පසුව මෙලෙස දේම දේහය පොලිස් මෘත ශරීරාගාරය වෙත රැගෙන යාමටයි කටයුතු කර ඇත්තේ.
මේ අතර මෙම සිද්ධිය පිළිබඳව කොල්ලුපිටිය පොලීසිය කොටුව මහේස්ත්රාත් අධිකරණයට කරුණු දක්වමින් සඳහන් කළේ, සැකකටයුතු මරණයක් ලෙස සලකා සිද්ධිය සම්බන්ධයෙන් ඉදිරි විමර්ශන සිදුකරන බවයි.
සිද්ධිය සම්බන්ධ වැඩිදුර විමර්ශන බස්නාහිර පළාත භාර ජ්යෙෂ්ඨ නියෝජ්ය පොලිස්පති සජීව මැදවත්තගේ ප්රධානත්වයෙන් කොළඹ දිසාව භාර නියෝජ්ය පොලිස්පති නිශාන්ත සොයිසාගේ උපදෙස්මත ක්රියාත්මක කෙරෙනවා.
wpDiscuz
