මත්ද්රව්ය සමඟ ගුවන්තොටුපොළේ දී අත්අඩංගුවට ගැනුණු චීවරධාරීන් සම්බන්ධව විමර්ශන ආරම්භ කර ඇති බව මහජන ආරක්ෂක අමාත්ය ආනන්ද විජේපාල පවසනවා.
අමාත්යවරයා සඳහන් කළේ මේ සම්බන්ධයෙන් අධිකරණයට කරුණු වාර්තා කර ඉදිරි පියවර ගැනීමට කටයුතු කරන බවයි.
මාධ්ය වෙත අදහස් දක්වමින් අමාත්යවරයා මේ බව සඳහන් කළා.
“මත්ද්රව්ය නිවාරණ වැඩපිළිවෙළ අපි ජාතිකව දියත් කරලා තියෙනවා රට පුරාම මෙහෙයුම් සාර්ථකව දියත් වෙනවා. එහි එක් පියවරක් හැටියට තමයි මත්ද්රව්ය කිලෝ 110කට අධික ප්රමාණයක් කටුනායක දී අත්අඩංගුවට ගන්නවා. ස්වාමීන් වහන්සේලා කිහිප නමක් ඇතුළුව, ඉතිං මේ පිළිබඳව විමර්ශනයක් සිද්ධ වෙමින් පවතිනවා. විමර්ශනය අනුව ඉදිරි කටයුතු සහ අවශ්ය පියවර ගන්නවා. අධිකරණයට කරුණු වාර්තා කරලා ඒ අනුව ඉදිරි විමර්ශන සිදුකරනවා.”
මේ අතර තායිලන්තයේ සිට රැගෙන ආ කුෂ් සහ හෑෂ් මත්ද්රව්ය සමඟ චීවරධාරීන් පිරිසක් අත්අඩංගුවට ගැනීමේ සිද්ධියට අදාළව ගම්පහ, මීගහවත්ත ප්රදේශයේ දී ඊයේ (26) අත්අඩංගුවට ගැනුණු චීවරධාරියා මීට පෙරද මෙරටට මත්ද්රව්ය තොග රැගෙනවිත් ඇති බවට අනාවරණය වී තිබෙනවා.
දිවයිනේ විවිධ ප්රදේශව අල වෙසෙන චීවරධාරීන් 22ක් එක්කරගෙන මෙම විදෙස් සංචාරය ද සංවිධානය කර ඇත්තේ මෙම 22 හැවිරිදි චීවරධාරියා බවයි අනාවරණය වී ඇත්තේ.
ෆේස්බුක් සමාජ මධ්ය ජාලය ඔස්සේ මෙම තායිලන්ත සංචාරය සංවිධානය කර ඇති බවයි අනාවරණය වී ඇත්තේ.
මේ අතර මීට පෙර අවස්ථාවල දී මෙරටට මත්ද්රව්ය රැගෙන ආ චීවරධාරීන් තිදෙනෙක් ද අත්අඩංගුවට ගැනුණු චීවරධාරීන් 22 දෙදෙනා අතර සිටින බවයි වාර්තා වන්නේ.
