සාම පාගමන සඳහා සිය පූර්ණ සහයෝගය පළ කරන බව ජනාධිපති අනුර කුමාර දිසානායක පවසනවා.
සිය නිල එක්ස් ගිණුමෙහි සටහනක් තබමින් ජනාධිපතිවරයා මේ බව සඳහන් කර තිබෙනවා.
“සියලු ජනයා අතර සිහිබුද්ධිය, මෛත්රිය, එකමුතුකම සහ සමගිය ප්රවර්ධනය කරමින් අද ආරම්භ වන ‘සාමයේ පා ගමන’ සඳහා සහයෝගය දැක්වීමට ලැබීම මම ගෞරවයක් කොට සලකමි.මෙම පූජනීය පා ගමන දඹුල්ලෙන් ආරම්භ වී, සර්වඥ ධාතූන් වහන්සේලා සහ බෝධි අංකුරයක් ද රැගෙන දිවයින පුරා ගමන් කරන විට, අපේ උරුමය මූර්තිමත් කරන සාමය සහ කරුණාව යන සදාකාලික වටිනාකම් පිළිබඳව නැවත ආවර්ජනය කරන ලෙස මම සියලුම ශ්රී ලාංකිකයන්ට ආරාධනා කරමි.”
යනුවෙන් ජනාධිපතිවරයා තැබූ එක්ස් පණිවුඩයේ සඳහන් වනවා.
සාම පාගමන වෙනුවෙන් වියට්නාම ජාතික පූජ්ය පඤ්ඤාකර හිමි ප්රමුඛ භික්ෂූන් වහන්සේලා පිරිසක් අද (21) උදෑසන දිවයිනට වැඩම කළා.
මෙම සාම පාගමන වෙනුවෙන් ‘ආලෝකා’ නම් සුනඛයා ද මෙරටට පැමිණ තිබෙනවා.
