බලංගොඩ, සීතගල හංදිය ප්රදේශයේ දී පොලුවලින් පහරදී පුද්ගලයෙකු ඝාතනය කර තිබෙනවා.
බූරු පොළක රුපියල් 2000ක ඔට්ටුවක් සම්බන්ධයෙන් ඇති වූ බහින් බස්වීමක් දුරදිගයාමෙන් මෙම පහරදීම සිදුකර ඇති බවයි වාර්තා වන්නේ.
පහර කෑමට ලක්වූ පුද්ගලයා බරපතළ තුවාල ලබා රත්නපුර මහ රෝහලට ඇතුළත් කිරීමෙන් පසු මියගොස් ඇති බවයි වාර්තා වුණේ .
මෙලෙස මියගොස් ඇත්ත සීතගල, බලංගොඩ ප්රදේශයේ පදිංචිව සිටි වයස අවුරුදු 52ක පුද්ගලයෙක්.
පිය පුතු දෙපළක් එක්ව මෙම පහරදීම සිදුකර ඇති බව දැනට සිදුකළ පරීක්ෂණවල දී අනාවරණය වී තිබෙනවා.
පහරදීමට අදාළව සැකකරුවන් තිදෙනෙකු මේ වන විට අත්අඩංගුවට ගෙන ඇති අතර, සැකකරුවන් අද (20) දිනයේ අධිකරණයට ඉදිරිපත් කිරීමට නියමිතව තිබුණා.
සිද්ධියට සම්බන්ධයෙන් තවත් එක් සැකකරුවකු අත්අඩංගුවට ගැනීමට විමර්ශන ක්රියාත්මක අතර, මිය ගිය පුද්ගලයාගේ පශ්චාත් මරණ පරීක්ෂණය අද (20) දින සිදු කිරීමට නියමිතයි.
