නව පරපුරේ රංගන ශිපිනියක් තම හිතවතෙකුගෙන් ලක්ෂ 09 කට අධික වටිනාකමකින් යුත් රන් මාලයක් ලබාගෙන එය නැවත ලබ නොදී හිමිකරුගේ අනුදැනුමකින් තොරව උකස් තබා ලක්ෂ 06ක මුදලක් ලබාගැනීම සම්බන්ධයෙන් රන් මාලයේ හිමිකරු කරන ලද පැමිණිල්ලකට අදාළව රංගන ශිපිනී හර්ෂි රසංගා තලංගම පොලිස් ස්ථානයේ විවිධ පැමිණිලි අංශය මඟින් අත්තඩංගුවට ගෙන කඩුවෙල මහේස්ත්රාත් අධිකරණය වෙත ඉදිරිපත් කර තිබුණා.
එහිදී සැකකාර රංගන ශිපිනිය වෙනුවෙන් පෙනී සිටි නීතිඥවරයා ප්රකාශ කර ඇත්තේ තම සේවාදායිකාව එම මාලය උකස් කර ඇති බවත්, එය බේරාගෙන හිමිකරුට නැවත ලබාදීමට හැකියාව පවතින බවයි.
ඒ, අනුව සැකකාරිය රුපියල් ලක්ෂ 05 බැගින් වන ශරීර ඇප 02ක් මත ඇප මත මුදාහැරීමට කඩුවෙල බලන මහේස්ත්රාත්වරයා නියෝග කර තිබෙනවා.
අදාළ රන් මාලය තලංගම පොලිස් ස්ථානය මගින් භාරගෙන අධිකරණයට ඉදිරිපත් කිරීමට ද මෙහිදී නියම කර තිබෙනවා.
සැකකාර රංගන ශිපිනියට එරෙහි නඩුව නැවත අප්රේල් මස 22 වන දින කැදවීමට නියමිතයි.
මේව් newsda