ගාල්ල සිට මරදාන දක්වා ධාවනය වූ ගාලු කුමාරි සීග්රාගාමී දුම්රියේ අද (22) උදෑසන කැබ් රථයක් ගැටීමෙන් සිදු වූ අනතුරින් දෙදෙනෙක් ජීවිතක්ෂයට පත්ව ඇති බව පොලිසිය පවසනවා.
මුහුදුබඩ දුම්රිය මාර්ගයේ පයාගල සහ මග්ගොන අතර පිහිටි පැලපොල්ගහවත්ත දුම්රිය හරස් මාර්ගයේ දී කැබ් රථය දුම්රියේ ගැටී තිබුණා.
මෙම අනතුරින් බරපතළ තුවාල ලැබූ තවත් පුද්ගලයෙක් කළුතර, නාගොඩ රෝහලේ ප්රතිකාර ලබන බවයි පොලිසිය වැඩිදුරටත් සඳහන් කළේ.
අනතුරින් ජීවිතක්ෂයට පත්ව ඇත්තේ වයස අවුරුදු 22 සහ 28 යන වයස්වල පසුවන පුද්ගලයින් දෙදෙනෙක්.
මෙලෙස දුම්රියේ ගැටී ඇත්තේ යාබද ඉදිකිරීම් ව්යාපෘතියක සේවය කරන පුද්ගලයකුගේ කැබ් රථයක් බවට අනාවරණය වී ඇති අතර, දුම්රියේ ගැටීමෙන් අනතුරුව කැබ් රථය මීටර් 50කට ආසන්න ප්රමාණයක් ඇදී ගොස් ඇති බවයි වාර්තා වුණේ.
ඔබේ ප්රතිචාරය කුමක්ද ?
+1
+1
+1
+1
+1
5
+1
1
+1
