බලාපොරොත්තු වෙන වෙනස ආරම්භ විය යුත්තේ තමා තුළින් – අග්‍රාමාත්‍යවරිය

වෙනසක් බලාපොරොත්තු වන්නේ නම් එම වෙනස ආරම්භ විය යුත්තේ තමා තුළින් බව අග්‍රාමාත්‍ය හරිනි අමරසූරිය පවසනවා.

ඉසුරුපාය අධ්‍යාපන අමාත්‍යාංශ පරිශ්‍රයේදී පැවති 14 වන මහත්මා ගාන්ධි ශිෂ්‍යත්ව ප්‍රදානෝත්සවයට අද (09) එක්වෙමින් අග්‍රාමාත්‍යවරිය මේ බව සඳහන් කළා.

ශ්‍රී ලංකාවේ ඉන්දීය මහකොමසාරිස් කාර්යාලය, අධ්‍යාපන අමාත්‍යාංශය හා එක්ව වාර්ෂිකව සංවිධානය කළ මෙම වැඩසටහන ඔස්සේ 2020/2021 වර්ෂයන්ට අදාළව සාමාන්‍ය පෙළ විභාගයෙන් විශිෂ්ට දක්ෂතා දැක්වූ, තෝරා ගත් සිසුන් 300 දෙනෙකුට ඔවුන්ගේ ඉදිරි අධ්‍යාපන කටයුතු සිදුකරගෙන යාමට අවශ්‍ය මූල්‍ය සහය ලබාදීම සිදු වුණා.