ඩයගම සිට හැටන් දක්වා පාසල් ළමුන් ප්රවාහනය කළ ලංගම බස් රථයක රියදුරෙකුට පහර දුන් පෞද්ගලික බස් රථයක රියදුරු සහ කොන්දොස්තරවරයා අත්අඩංගුවට ගෙන තිබෙනවා.
ලිඳුල පොලිසිය විසින් මොවුන් දෙදෙනා අද (08) දින අත්අඩංගුවට ගෙන ඇති බවයි වාර්තා වුණේ.
මෙලෙස අත්අඩංගුවට ගැනුණු 39 හැවිරිදි සැකකාර රියදුරා සහ 35 හැවිරිදි කොන්දොස්තරවරයා හෙට (09) දිනයේ නුවරඑළිය මහේස්ත්රාත් අධිකරණය වෙත ඉදිරිපත් කිරීමට නියමිතයි.
පෙරේදා (06) උදෑසන ඩයගම සිට හැටන් දක්වා ගමන් ආරම්භ කළ ලංගම බස් රථයට පිටුපසින් හඹා ආ පෞද්ගලික බස් රථයේ රියදුරු සහ කොන්දොස්තරවරයා මෙම පහරදීම සිදුකර තිබුණා.
පෞද්ගලික බස් රථයේ රියදුරා විසින් ලංගම බස් රථය හරස් කර පෞද්ගලික බසය නවත්වා ලංගම බසයේ රියදුරු අසුනේ දොර ඇර එහි රියදුරාට මෙම පහරදීම සිදුකර ඇති බවයි වාර්තා වුණේ.
ලිඳුල, මෙරායා නගරය ආසන්නයේ දී මෙම ප්රහාරය එල්ල වී ඇති අතර, ලංගම බස් රථය විනාඩි පහකට කලින් ධාවනය කළේ යැයි කියන සිද්ධියක් මුල්කරගෙන මෙම පහරදීම සිදුකර තිබෙනවා.
