ලොස් ඇන්ජලීස් හි පැවති 68 වන ග්රැමී සම්මාන උළෙලේ දී ටිබෙටයේ අධ්යාත්මික නායකයාවන දලයි ලාමා සම්මානයක් දිනා ගැනීම සුවිශේෂී සන්ධිස්ථානයක් බවට පත් වුණා.
සංගීත ක්ෂේත්රයේ ඉහළම ගෞරවය ලෙස සැලකෙන ග්රැමී සම්මාන උළෙලේ දී හොඳම ශ්රව්ය පොත, කථනය සහ කතාන්දර පටිගත කිරීම යන කාණ්ඩය යටතේ උන්වහසේ මෙම සම්මානය ජයග්රහණය කළා.
90 වන වියේ පසුවන උන්වහන්සේ මෙම සම්මානය දිනාගනු ලැබුවේ “Meditations: The Reflections of His Holiness the Dalai Lama” නම් වූ පටිගත කරන ලද දේශනා ඇතුළත් ඇල්බමය වෙනුවෙන්.
මෙම කාණ්ඩය යටතේ අමෙරිකානු ශ්රේෂ්ඨාධිකරණ විනිසුරු කෙටාන්ජි බ්රවුන් ජැක්සන් සහ සුප්රකට ඉදිරිපත් කරන්නෙකු වන ට්රෙවර් නෝවා වැනි ප්රබල තරගකරුවන් අභිබවා යාමට දලයි ලාමාතුමන් සමත් වීම විශේෂත්වයක්.
68 වන ග්රැමී සම්මාන උළෙලේ දී දලයි ලාමා වෙනුවෙන් සංගීතඥ රූෆස් වේන්රයිට් මෙම සම්මානය පිළිගත්තා.
