චීන බලධාරීන්ට අපරාධ පැමිණිල්ලක් ගොනු කිරීමෙන් පසු චීනය පදනම් කරගත් මන්ගා හෙවත් ජපන් චිත්‍ර කතා නිර්මාණ කොල්ලකෑ වෙබ් අඩවියක් වසා දැමීමට බල කෙරී ඇති බව ජපන් කර්මාන්ත කණ්ඩායමක් පවසනවා.
ජනවාරි 19 වන විට වෙබ් අඩවිය වසා දමා ඇති බව කියනු ලැබෙනවා.
ලෝකයේ විශාලතම ජපන් චිත්‍ර කතා නිර්මාණ මංකොල්ලකෑම් අඩවි වලින් එකක් යැයි කියනු ලබන Bato.To හි ක්‍රියාකරු හඳුනා ගැනීම සඳහා අන්තර්ගත විදේශ බෙදාහැරීමේ සංගමය හෙවත් CODA, සයිබර් ආරක්ෂක විශේෂඥයින් සමඟ කටයුතු කළා.
කණ්ඩායම පසුගිය වසරේ සැප්තැම්බර් මාසයේදී අපරාධ පැමිණිල්ලක් ගොනු කළා.
නොවැම්බර් මාසයේදී බලධාරීන් ගුවැන්සි ෂුවාං ස්වයං පාලන කලාපයේ ජීවත් වන වයස අවුරුදු 40 ක මිනිසෙකුගෙන් ප්‍රශ්න කළ බව එහි සඳහන්.
වෙබ් අඩවියට මසකට මිලියන 350 කට වඩා ප්‍රවේශ වී ඇතැයි අනාවරණය වී තිබෙනවා.
වෙබ් අඩවියේ භාෂා 50 ක පමණ අන්තර්ගතයක් තිබූ බව කියනු ලැබෙනවා.
කෘත්‍රීම බුද්ධිය පුළුල් ලෙස භාවිතා කිරීම තුළින් පරිවර්තනය පහසු කර ඇති බැවින් ප්‍රකාශන හිමිකම් මංකොල්ලකෑමේ ගැටලුව තවත් නරක අතට හැරෙමින් පවතින බව CODA පවසනවා.
