‘දිට්වා’ සුළි කුණාටුව හේතුවෙන් දිවයිනට බලපෑ ආපදා තත්ත්වට මත පුද්ගල මරණ 635ක් මේ වනවිට වාර්තා වන අතර, පුද්ගල අතුරුදහන්වීම් 192ක් වාර්තා වනවා.
මේ අතර අයහපත් කාලගුණයත් සමඟ සිදු වූ නාය යාම්වලින් පමණක් පුද්ගල මරණ 458ක් මේ වනවිට වාර්තා වී ඇති බව ජාතික ගොඩනැගිලි පරීක්ෂණ සංවිධානයේ ජේෂ්ඨ විද්යාඥ ආචාර්ය වසන්ත සේනාධීර පවසනවා.
මේ අතර ජාතික ගොඩනැගිලි පරීක්ෂණ සංවිධානය වෙත අවදානමට ලක්ව ඇති ස්ථාන පරීක්ෂා කිරීම් සඳහා ඉල්ලීම් 2053ක් ලැබී ඇති බවයි ඔහු සඳහන් කළේ.
ඊයේ (08) දිනයේදී ජාතික ගොඩනැගිලි පරීක්ෂණ සංවිධානය නිකුත් කර තිබූ නයයාම් අනතුරු ඇඟවීම් නිවේදනය තවදුරටත් දීර්ඝ කළ බව සඳහන් කළ ජේෂ්ඨ විද්යාඥ ආචාර්ය වසන්ත සේනාධීර, ඒ අනුව දිස්ත්රික්ක 07කට අයත් ප්රාදේශීය ලේකම් කොට්ඨාස 41 කට ඉවත්වීමේ රතු නිවේදනය තවදුරටත් ක්රියාත්මක බවයි පැවසුවේ.
එමෙන්ම අධි අවදානම් ස්ථානවල ජීවත්වන පවුල් 15,000ක් පමණ හඳුනාගෙන ඇති බව සඳහන් කළ ඔහු, ඉන් 5,000ක පමණ ප්රමාණයක් ආරක්ෂිත ස්ථානවල පදිංචිකර ඇති බවයි ඔහු වැඩිදුරටත් සඳහන් කළේ.
ඒ අනුව අදාළ ස්ථානවල සිටින ජනතාව අනිවාර්යයෙන්ම එම ස්ථානයන්ගෙන් ඉවත් විය යුතු බවයි ඔහු දැනුම් දෙන්නේ.
