මෝටර් රථ ප්රවාහන දෙපාර්තමේන්තුවේ කාර්යයන් කිසිදු බාධාවකින් තොරව සාමාන්ය පරිදි සිදුවන බව එම දෙපාර්තමේන්තුව විසින් නිවේදනයක් නිකුත් කරමින් පවසනවා.
කිසියම් තාක්ෂණික දෝෂයක් හේතුවෙන් රාජ්ය ආයතන කිහිපයක් විසින් සිදු කරනු ලබන කාර්යයන් පසු ගියදා ඇණ හිටි බවට මාධ්ය වාර්තා කර තිබූ බවත්, මේ හේතුවෙන් මෝටර් රථ ප්රවාහන දෙපාර්තමේන්තුවේ ද කාර්යයන් ඇණහිට ඇති බවට ව්යාජ තොරතුරු මවා පාමින් තැරැව්කරුවන් විසින් මෝටර් රථ ප්රවාහන දෙපාර්තමේන්තුවේ සේවා ලාභීන් අනවශ්ය පීඩනයකට ලක් කරන බව වාර්තා වූ බව එම දෙපර්තමේන්තුව නිවේදනයේ සඳහන්කර තිබෙනවා.
මේ වනවිට නාරාහේන්පිට ප්රධාන කාර්යාලයෙන් සිදු කරන නව මෝටර් රථ ලියාපදිංචිය හා මෝටර් රථ පැවරීමේ කාර්යයන් කිසිදු බාධාවකින් තොරව සිදු කරනු ලබන බව වැඩිදුරටත් ඔවුන් පවසා සිටිනවා.
එසේම වේරහැර රියදුරු බලපත් අංශයේ කාර්යයන් මෙන්ම අනිකුත් මෝටර් රථ ප්රවාහන දෙපාර්තමේන්තුවේ සියලු දිස්ත්රික් කාර්යාල වල කාර්යයන්ද කිසිදු බාධාවකින් තොරව මේ වන විටත් සිදුවන බවයි එම දෙපාර්තමේන්තුව දැනුම් දෙන්නේ.
