වෙළඳපොළ තුළ සම්බා සහ කීරි සම්බා සඳහා හිඟයක් පවතින බවත් එම හිඟය තීව්ර කිරීමේ අරමුණෙන් මහා පරිමාණ වී මෝල් හිමියන්ට කටයුතු කරන බවත් සුළු හා මධ්ය පරිමාණ වී මෝල් හිමියන්ගේ සංගමය පෙන්වා දෙනවා.
වී වගාව කරනු ලබන ගොවීන්ට සම්බා සහල් වගා කිරීමට වඩා නාඩු සහල් වගා කිරීම ලාභදායි වීම නිසා ගොවීන් විශාල වශයෙන් නාඩු සහල් වගා කිරීම සඳහා යොමු වී ඇති බව ද එම සංගමය විසින් පෙන්වා දෙනවා.
එලෙස වීමට හේතුව රජය විසින් නිසි ආකාරයේ මිල සූත්රයක් හඳුන්වා නොදීම බවත් රජය මේ සඳහා ක්රියා මාර්ගයක් ලෙස නිසි මිල සූත්රයක් හඳුන්වා දීමට පියවර නොගන්නේ නම් එළඹෙන කන්නයේ දී ද සම්බා සහ කීරි සම්බා සහල් හිඟයක් ඇති විය හැකි බවට එම සංගමයේ සභාපති යූ.කේ. සේමසිංහ පවසනවා.
මේවන විට එළඹෙන කන්නය සඳහා ගොවින් තම කුඹුරු සකස් කරමින් සිටින බැවින් රජය විසින් සම්බා සහ කිරි සම්බා වී සඳහා ලබා දෙන මිළ ඉහළ දැමීමට කටයුතු නොකළහොත් ඉදිරියට ඇතිවන හිඟය වලක්වා ගැනීමට නොහැකි බව ඔහු වැඩිදුරටත් කියා සිටියා.
එමෙන්ම ඇති වී තිබෙන තත්ත්වය සම්බන්ධයෙන් මහා පරිමාණ වී මෝල් හිමියන් සහ මහා පරිමාණ තොග රැස් කරන්නන් ට චෝදනා කරමින් සුළු හා මධ්ය පරිමාණ වී මෝල් හිමියන්ගේ සංගමයේ සභාපතිවරයා පවසා සිටියේ මහා පරිමාණ වී මෝල් හිමියන් සහ මහා පරිමාණ තොග රැස් කරන්නන් විසින් ඔවුන් සතු සම්බා සහ කිරි සම්බා තොග සඟවා තබා ගෙන සිටිමින් ඔවුන්ගේ ලාබය උදෙසා කටයුතු කරන බවද ඔහු චෝදනා කරනු ලබනවා.
