පළාත් පාලන සතියේ “පුනරුදයට පුරවරයක්” යන තේමාව යටතේ දුම්රියෙන් ගමන් ගන්නා මගීන් සදහා හැටන් දුම්රිය ස්ථානයේ ජංගම පුස්තකාලයක් අද (19) දින පස්වරුවේ ස්ථාපනය කරනු ලැබුවා.
පළාත් පාලන සතියේ සාහිත්ය, අධ්යාපන සහ පුස්තකාල දිනය වශයෙන් අද (19) දිනය නම්කර තිබූ අතර, ඒ වෙනුවෙන් හැටන් දික්ඔය නගර සභාවේ සභාපති අසෝක කරුණාරත්න ඇතුලු ආණ්ඩු පක්ෂයේ මන්ත්රීවරුන් විසින් සිංහල, දමිළ සහ ඉංග්රීසි භාෂාවෙන් මුද්රණය කර ඇති අධයාපනය වශයෙන් වටිනාකමකින් යුත් පොත් 300ක් සහ පොත් රාක්කයක් හැටන් දුම්රිය ස්ථානයේ දුම්රිය ස්ථානාධිපති ජානක ප්රනාන්දු වෙත ලබා දෙනු ලැබුවා.
මෙම පුස්තකාලය සදහා ඕනෑම අයෙකුට අධ්යාපනික වටිනාකමකිනි යුත් පොත් පරිත්යාග කල හැකි බවත්, පොත් කියවීමට රුචිකත්වයක් දක්වන දුම්රියෙන් ගමන් ගන්නා මගීන්ට මෙම ජංගම පුස්තකාලයෙන් පොත් නොමිලේ ලබා ගෙන එම පොත්
දුම්රිය පැමිණෙන තෙක් කියවා හෝ දුම්රිය ගමන්නාතය දක්වා කියවා එම පොත වෙනත් දුම්රිය ස්ථානයකට ලබා දිය හැකි බවත්, එම පොත ආපසු එම දුම්රිය ස්ථානයෙන් හැටන් දුම්රිය ස්ථානය වෙත යොමු කරන බවත් හැටන් දුම්රිය ස්ථානාධිපතිවරයා පවසනවා.
