ඉන්දුනීසියාවේ දී අත්අඩංගුවට ගෙන මෙරටට රැගෙන ආ සංවිධානාත්මක අපරාධ කල්ලි සාමාජික පානදුර නිලංගගේ ගෝලයෙක් වන අමිත් කුමාර නොහොත් ඇඹිලිපිටියේ සුරංග නැමැත්තා දින 07ක් රඳවා ගැනීමේ නියෝග මත ප්රශ්න කිරීමට පානදුර ප්රධාන මහේස්ත්රාත් චම්පික රාජපක්ෂ මහතා අද (08) අවසර ලබා දුන්නා.
ඒ, කළුතර අපරාධ කොට්ටාශයේ නිලධාරින් විසින් අත්අඩංගුවට ගැනුණු සැකකරු අද (08) දින පානදුර මහේස්ත්රාත් අධිකරණයට ඉදිරිපත් කිරීමෙන් අනතුරුවයි.
සැකකරු පානදුර නිලංග සමඟ සම්බන්ධ වී මත්කුඩු ජාවාරම් කරගෙන ගොස් ඇති බවටත්, ඔහුගේ දුරකථන වාර්තා සහ බැංකු ගිණුම් පරීක්ෂාකර ඒ පිළිබඳ ගරු අධිකරණයට වාර්තා කරන බවත් පොලිසිය අධිකරණය හමුවේ කියා සිටියා.
සැකකරු ජාවාරම්කරුවන් සමඟ සම්බන්ධ වී ව්යාපාරයක් ලෙසින් මත්කුඩු ජාවාරම කරගෙන ගොස් ඇති බැවින් ඔහුගෙන් කළ ප්රශ්න කිරීම්වල දී තවත් එවැනි මධ්යස්ථානයක් පිළිබඳ වාර්තා වූ බවත්, ඒ සම්බන්ධයෙන්ද විමර්ශන කර අධිකරණයට වාර්තා කරන බවද පොලිසිය වැඩිදුරටත් දැනුම් දුන්නා.
සැකකරු අධිකරණ වෛද්ය නිලධාරීවරයාට ඉදිරිපත් කර වාර්තාවක් ලබාගැනිමෙන් අනතුරුව දින 07ක් රඳවාගෙන ප්රශ්න කිරීමට අවසර ලබාදුන් අතර, සැප්තැම්බර් 14 දින නඩුව යළි කැඳවීමට නියෝග කළා.
