සංචාරයක් සඳහා හැටන් ප්රදේශයට පැමිණි පුද්ගලයෙක් කොටගල ප්රදේශයේ හෝටල් කාමරයක් තුළ අභිරහස් ලෙස මියගොස් සිටියදී පොලිසිය විසින් සොයා ගෙන ඇති බවට වාර්තාවනවා.
මෙලෙස මියගොස් ඇත්තේ කොළඹ ප්රදේශයේ පදිංචි රියන්සි පිල්ලේ නැමති (60) හැවිරිදි පුදගලයෙක් බවයි දිඹුල පතන පොලිසිය පවසන්නේ.
ඊයේ (05) දින පස්වරුවේ තම මිතුරෙක් සමඟ හෝටලය වෙතට පැමිණි මෙම පුද්ගලයා එම සංචාරක හෝටලය තුළ තම මිතුරා සමග මත්පැන් පානයකර තිබෙන අතර ඉන්පසු ඔහු හෝටලය තුළ බිම වැටෙන ආකාරය හෝටලයේ සවි කර ඇති ආරක්ෂක කැමරාවේ සටහන් වී තිබෙනවා.
කෙසේ නමුත් ඔහු යළිත් නැගිට කාමරය වෙත ගොස් ඇති අතර අද (06) දිනයේ උදෑසන එම පුද්ගලයා අවධි නොවූ නිසා
ඇති වූ සැකය මත හෝටලයේ සේවකයෙක් විසින් ඒ පිළිබද දිඹුල පතන පොලිසිය වෙත පැමිණිලි කර ඇති බවයි පැවසෙන්නේ.
පොලිසිය පැමිණ කාමරය ඇතුළත සිදුකළ පරික්ෂා කිරිමේදි ඔහු කාමරය තුළ මියගොස් සිටියදී සොයාගෙන තිබෙනවා.
මියගිය පුද්ගලයාගේ සිරුර සම්බන්ධයෙන් මහේස්ත්රාත් ස්ථාන පරීක්ෂණය අද (06) පස්වරුවේ පැවැත් වූ අතර, එහිදි මහේස්ත්රාත්වරයා, සිරුර දික්ඔය මූලික රෝහලේ අධිකරණ වෛද්යවරයා වෙත යොමු කරන ලෙස නියෝග කළා.
පොලිසිය විසින් වැඩිදුර විමර්ශන සිදුකරනු ලබනවා.
