දින කිහිපයක් තිස්සේ ගිනි ගනිමින් පවතින “X-PRESS PEARL” නෞකාවෙහි සිදු වූ පිපිරීමත් සමග එම ගින්න වර්ධනය වී ඇති බව වාර්තා වෙනවා.
මෙයට පෙර ගින්න පාලනය කළත් ගිනි ගත් පෙදෙසෙහි අධික උෂ්ණත්වයක් තිබෙන බව පැවසුණා.
එවන් වාතාවරණයක් යටතේ යි නෞකාවෙහි පිපිරීම සිදුව තිබෙන්නේ.
25 දෙනෙකුගෙන් යුතු සේවකයින් පිරිසක් එහි සිටි අතර මේවන විට එම සියලුම සේවකයින් මුදවාගෙන ඇති බව නාවික හමුදාව පැවසුවා.
එම පිරිස අතර සිටි ඉන්දීය ජාතිකයින් දෙදෙනෙකු තුවාළ ලබා ඇති බවත් ඔවුන් මේවන විට රෝහල්ගත කර ඇති බවත් සඳහන්.
පිරීමත් සමග නෞකාවේ තිබු බහාලුම් 8ක් මුහුදට වැටී ඇති බව වාර්තා වෙනවා.
ගුවන් හමුදාව ගින්න මැඩපැවැත්වීම සඳහා මේවන විට හෙලිකොප්ටර් යානා යොදවා ඇති බව ගුවන් හමුදාව සඳහන් කළා.
ශ්‍රී ලංකාව අවට මුහුදු කලාපයට සිදුවිය හැකි පරිසර විනාශය අවම කිරීම සඳහා නෞකාව ශ්‍රී ලංකාවෙන් තවත් නාවික සැතපුම් 50 ක් ගැඹුරු මුහුදට ගෙන යාමට සැළසුම් කර ඇති බව ද වාර්තා වනවා
