දින කිහිපයකට පෙර මිය ගිය පුද්ගලයකුගේ සිරුරක් මොරටුව මොරටුමුල්ල පොලිස් බල ප්රදේශයේ දී සොයාගත් බව මොරටුමුල්ල පොලීසිය පවසනවා.
මියගිය පුද්ගලයා ජීවත් වූ කාමරයේ ඇඳක් මත තිබිය දී මෙම සිරුර සොයාගත් බවයි පැවසෙන්නේ.
මෙලෙස මියගොස් ඇත්තේ මොරටුමුල්ල ප්රදේශයේ වසර 15ක් පමණ තිස්සේ “චයිනීස් බත් කඩයක්” පවත්වාගෙන ගිය 40 හැවිරිදි පුද්ගලයෙක්.
බලංගොඩ, වැලිගපොළ ප්රදේශයේ පදිංචිකරුවෙකුවන මෙම පුද්ගලයා මොරටුමුල්ල පොළ ආසන්නයේ දෙමහල් නිවසක කාමරයක් කුලියට ගෙන පදිංචිව සිට ඇත්තේ අදාළ බත් කඩය පවත්වාගෙන යාම සඳහා යි.
ප්රදේශවාසීන් පසුගිය 19 වැනිදා සිට මෙම පුද්ගලයා දැක නොමැති අතර ඔහු විසූ කාමරය දෙසින් අධික දුර්ගන්ධයක් ද පැමිණ තිබෙනවා.
පසුව මේ පිළිබඳව සැක සිතුණු ප්රදේශවාසීන් විසින් මොරටුමුල්ල පොලිසිය වෙත දැනුම් දීමටයි කටයුතු කර ඇත්තේ.
ඒ අනුව අපරාධ අංශයේ නිලධාරීන් එම ස්ථානය පරීක්ෂා කර කාමරයේ දොරගුළු කඩා බැලීමේ දී මෙම මළසිරුර හමු වී තිබෙනවා.
එය අධික ලෙස නරක් වී ඇති බව සඳහන්.
ඒ අනුව අදාළ පුද්ගලයා දින කිහිපයකට පෙර මරණයට පත්වන්නට ඇති බවට සැක කෙරෙනවා.
මේ අතර ඇතැම් ප්රදේශවාසීන් පවසන්නේ මෙම පුද්ගලයා කොවිඩ් 19 වෛරසය ආසාදනය වී මරණයට පත් වූයේ දැයි තමුන් හට සැකසහිත බවයි.
කෙසේ වෙතත් මරණ පරීක්ෂකවරයා නියම කර ඇත්තේ දේහය කළුබෝවිල රෝහලේ මෘත ශරීරාගාරය වෙත යවා PCR පරීක්ෂණයක් සිදු කිරීමට යි.
