මාවතගම, පරගහදෙණිය, සිංහපුර ප්‍රදේශයේ වෙල්යායක දමාගොස් සිටිය දී බිළිඳියගේ භාරකාරීත්වය ලබාගැනීමට ඇයගේ මව ඉදිරිපත් වුවහොත් අවශ්‍ය පහසුකම් සලසන බව කාන්තා සහ ළමා කටයුතු අමාත්‍ය සරෝජා පෝල්රාජ් සඳහන් කරනවා.
ඊයේ (18) පැවති ප්‍රවෘත්ති සාකච්ඡාවකදී ඇය මේ බව සඳහන් කළ අතර, බිළිඳියගේ මව සොයා මේ වනවිට විමර්ශන සිදුකරන බවයි අමාත්‍යවරිය පැවසුවේ.
ප්‍රදේශවාසියෙක් සිදුකළ දැනුම්දීමක් මත මාවතගම පොලිස් ස්ථානයේ ස්ථානාධිපතිවරයා ඇතුළු නිලධාරීන් පිරිසක් අදාළ බිළිඳිය පෙරේදා (17) දිනයේ සොයාගත්තා.
දින දෙකක් පමණ වයසැති මෙම බිළිඳිය මාවතගම රෝහලට ඇතුලත් කිරීමට කටයුතු කළ අතර, අනතුරුව ඇයව කුරුණෑගල ශික්ෂණ රෝහල වෙත මාරුකර යවා තිබුණා.
කුරුණෑගල ශික්ෂණ රෝහලේ නොමේරු ළදරු ඒකකයේ මේ වනවිට ප්‍රතිකාර ලබන එම බිළිඳිය යහපත් සෞඛ්‍ය තත්ත්වයෙන් පසුවන බවයි රෝහල් ආරංචි මාර්ග සඳහන් කළේ.
මව විසින් දරුවා අනාරක්ෂිතව දමා යෑම වැරදියි. මවට දරුවාව හදාගැනීමට නොහැකි හේතු තියෙන්න පුළුවන්.
ළමයි හදාගන්න ඕන තරම් දේශීය සහ විදේශීය දෙමව්පියන් ඉන්න එකේ අම්මලාට බරක් වන දරුවන් භාරදෙන්න ආයතනයක් ස්ථාපිත කල යුතුයි. එතකොට දරුවන්ගේ ජීවිත ඛේරෙනවා.