සිය එක්දින ක්‍රිකට් දිවියේ පස්වැනි ශතකය වාර්තා කරගැනීමට නායක චරිත් අසලංක මීට ටික වේලාවකට (02) පෙර සමත් වුණා.
ඒ මේ වනවිට කොළඹ ආර්. ප්‍රේමදාස ක්‍රීඩාංගණයේ දී පැවැත්වෙමින් තිබෙන සංචාරක බංග්ලාදේශයට එරෙහි එක්දින තරගාවලියේ පළමු තරගයට එක් වෙමින්.
චරිත් අසලංක මෙම විශිෂ්ට ඉනිම ක්‍රීඩා කළේ පන්දු 117කට මුහුණදෙමින්.
ඊට දැවැන්ත හයේ පහර 04ක් හා හතරේ පහර 06ක් ඇතුළත්.
කාසියේ වාසිය දිනූ ශ්‍රී ලංකා කණ්ඩායම පළමු ව පිතිකරණය තෝරා ගැනුණ ද, බංග්ලාදේශ වේග පන්දු යවන්නන් හමුවේ ශ්‍රී ලංකාවේ ආරම්භක පිතිකරුවන්ට සාර්ථක වීමට නම් ඉඩක් ලැබුණේ නැහැ.
මුල් පෙළ කඩුලු ලකුණු 50ක් වන විට දැවී යද්දී නායකත්ව ඉනිමක් ක්‍රීඩා කරමින් වගකීම් සහගත පිතිකරණයක නිරත වෙමින් අසලංක ශ්‍රී ලංකා ලකුණු පුවරුව ගොඩනැගුවා.
මේ වනවිට ශ්‍රී ලංකා කණ්ඩායම පන්දුවාර 47යි පන්දු දෙකක් තුළ කඩුලු 08ක් බිඳ වැටී ලකුණු 234ක් ලබා සිටිනවා.
