වනාතවිල්ලුව – ගගේවාඩිය ධීවර ගම්මානයට කඩා වැදී ගම්මුන් බිය කරමින් සිටි දැවැන්ත දිවියෙකුව නිර්වින්දනය කර අල්ලාගෙන විල්පත්තුව ජාතික
වනෝද්යානයට මුදා හැරීමට වනජීවී දෙපාර්තමේන්තුවේ නිලධාරීන් කටයුතු කළා.
දසත ප්රාදේශීය වාර්තාකරු පැවසුවේ, මෙම දිවියා අඩි 06ක් පමණ දිගින් යුත් වයස අවුරුදු 35ක් පමණ වන සත්ත්වයෙකු බවයි.
ඊයේ (01) දහවල් කාලයේ ධීවර තොටුපොළ අසල මෙම දිවියා ගැවසෙන ආකාරය ගම්මුන් දැක ඒ බව වනජීවීයට දැනුම්දී තිබෙනවා.
ඒ අතරතුර දිවියාගේ පහරදීමකට ලක් ව එම ප්රදේශයේ සුනඛයින් දෙදෙනකු ද මියගොස් ඇති බවයි වාර්තා වන්නේ.
කෙසේවෙතත් දිවියා අල්ලා ගන්නා තෙක් වනජීවී නිලධාරීන් හා වනාතවිල්ලුව පොලිසිය එක්ව ඊයේ රාත්රී කාලය පුරාම ගම්මුන්ට ආරක්ෂාව සපයා තිබෙනවා.
වනජීවී දෙපාර්තමේන්තුවේ පණ්ඩුලගම පශු වෛද්ය ඒකකයේ නිලධාරීන් පිරිසක් අද (02) පස්වරුවේ මහත් පරිශ්රමයක් දරා දිවියා ව අල්ලා ගැනීමට
කටයුතු කර එම සත්ත්වයාට ප්රතිකාර දීමෙන් පසු විල්පත්තුව වනෝද්යානයට මුදා හැරීමට කටයුතු කළා.
මෙම මෙහෙයුම සඳහා වනාතවිල්ලුව පොලිසිය හා ගගේවාඩිය නාවික කඳවුරෙන් ද සහාය හිමි වුණා.
