බංග්ලාදේශයෙන් ජුට් සහ එහි නිෂ්පාදන කිහිපයක් ආනයනය කිරීම සඳහා ඉන්දියාව සීමා පනවා තිබෙනවා.
බංග්ලාදේශයෙන් එවැනි භාණ්ඩ ආනයනය කිරීමට ඉන්දියාව-බංග්ලාදේශ දේශසීමාවේ කිසිදු ස්ථානයකින් අවසර නොලැබෙන අතර මුම්බායි වරාය හරහා පමණක් ආනයන කළ හැකි බව විදේශ වෙළඳ අධ්යක්ෂ ජනරාල් කාර්යාලය උපුටා දක්වමින් මාධ්ය වාර්තා කළා.
කෙසේ වෙතත් මෙම සීමාවන් ඉන්දියාව හරහා නේපාලය සහ භූතානයට සිදු කරන අපනයන සඳහා අදාළ වන්නේ නැහැ.
නමුත්, එවැනි බංග්ලාදේශ භාණ්ඩ නේපාලයෙන් හෝ භූතානයෙන් ඉන්දියාවට නැවත අපනයනය කිරීමට ද අවසර හිමි වන්නේ නැහැ.
බංග්ලාදේශයේ අන්තර්කාලීන ප්රධාන උපදේශක මුහම්මද් යූනුස් විසින් චීනයේ සංචාරය අතරතුර ඉන්දියාවේ ඊසානදිග කලාපය පිළිබඳව කරන ලද මතභේදාත්මක ප්රකාශවලින් සති කිහිපයකට පසු, මැයි 17 වන දින ඉන්දියාව එහි ඊසානදිග ගොඩබිම් වරායන් වන ඇසෑම්, මේඝාලය, ත්රිපුර, මිසෝරාම් සහ බටහිර බෙංගාලයේ ෆුල්බාරි සහ චන්ග්රබන්දා හරහා බංග්ලාදේශ නිමි ඇඳුම් සහ අනෙකුත් නිෂ්පාදන ආනයනය කිරීම සඳහා සීමාවන් පනවා තිබුණා.
චීනයේ කළ කතාවක දී, බංග්ලාදේශයේ ප්රධාන උපදේශක යූනුස් ඉන්දියාවේ ඊසානදිග රාජ්යයන් “සාගරයට ප්රවේශයක් නොමැති ගොඩබිම් සහිත කලාපයක්” ලෙස විස්තර කර තිබුණා.
මෙම ප්රකාශය රාජ්ය තාන්ත්රික ඝර්ෂණයක් ඇති කර ඇති අතර, එය කලාපයේ සම්බන්ධතාව අඩපණ කිරීමක් ලෙස ඉන්දීය නිලධාරීන් සලකනවා.
