අමෙරිකානු එක්සත් ජනපද ජනාධිපති ඩොනල්ඩ් ට්‍රම්ප් ලොව සුප්‍රසිද්ධ ප්‍රවෘත්ති නාලිකා ද්විත්වයකට ම දැඩි දෝෂාරෝපණයක් එල්ල කර තිබෙනවා.
සිය නිල X ගිණුමෙහි සටහනක් තබමින් ට්‍රම්ප් ජනාධිපතිවරයා පවසන්නේ ඉරානයට එල්ල කළ අමෙරිකානු ගුවන් ප්‍රහාර සම්බන්ධයෙන් නිව් යෝර්ක් ටයිම්ස් පුවත්පත සහ CNN මාධ්‍ය නාලිකාව දැවැන්ත මාධ්‍යකරණ වංචාවක් සිදු කර ඇති බවයි.
ව්‍යාජ පුවත් මවමින් ඔවුන් අමෙරිකානු ගුවන් හමුදාව විසින් ඉරානයේ න්‍යෂ්ටික මධ්‍යස්ථාන වෙත B-2 යානා එල්ල කරන ලද ප්‍රහාර සහ එම විශිෂ්ට කාර්‍යය පහත් කොට සලකා ඇති බවට ට්‍රම්ප් චෝදනා එල්ල කරනවා.
නිව් යෝර්ක් ටයිම්ස් හා CNN මාධ්‍ය වාර්තාකරුවන් නරක හා අසනීප වූවන් ලෙසයි ට්‍රම්ප් සලකා ඇත්තේ.
අමෙරිකාව සෑමවිටම නරක රාජ්‍යයක් ලෙස එකී මාධ්‍ය නාලිකා විසින් පෙන්වීමට උත්සාහ කරන බවත් අමෙරිකානුවන් ලැබූ විශිෂ්ට සාර්ථකත්වය ගැන ආඩම්බර වීමක් නැති බවත් ට්‍රම්ප් සඳහන් කර තිබෙනවා.
