වහාම ක්රියාත්මක වන පරිදි නියෝජ්ය පොලිස්පතිවරුන් 09 දෙනෙකු, ජ්යෙෂ්ඨ පොලිස් අධිකාරීවරුන් 16 දෙනෙකු ව ඇතුළු ජ්යෙෂ්ඨ පොලිස් නිලධාරීන් 32 දෙනෙකුට ස්ථාන මාරුවීම් ලබා දී තිබෙනවා.
ජාතික පොලිස් කොමිෂන් සභාවේ අනුමැතිය මත මෙම ස්ථාන මාරුවීම් හා පත්කිරීම් ලබා දී ඇති බවයි පොලිස් මාධ්ය කොට්ඨාසය සඳහන් කළේ.
මෙම ස්ථාන මාරුවීම්වලට අනුව මධ්යම අපරාධ විමර්ශනයේ කාර්යාංශයේ දිසාව භාර නියෝජ්ය පොලිස්පතිවරයා ලෙස කටයුතු කළ නිහාල් තල්දූව මහතා මොනරාගල දිසාව භාර නියෝජ්ය පොලිස්පතිවරයා ලෙස ස්ථාන මාරුවීම් ලබා තිබෙනවා.
මාණ්ඩලික නියෝජ්ය පොලිස්පති තනතුරේ රාජකාරී සිදුකරන නියෝජ්ය පොලිස්පති ජේ.ආර්.ඩයස් මහතා එම තනතුරට අමතරව මධ්යම අපරාධ විමර්ශන කාර්යාංශ දිසාව භාර නියෝජ්ය පොලිස්පතිව තනතුරේ රාජකාරී ආවරණය කිරීම සඳහා පත් කර ඇති බව සඳහන්.
නියෝජ්ය පොලිස්පතිරුන් ජ්යෙෂ්ඨ පොලිස් අධිකාරීවරුන්ට අමතරව පොලිස් අධිකාරීවරුන් දෙදෙනෙකුට සහ සහකාර පොලිස් අධිකාරීවරුන් පස් දෙනෙකුට ද ස්ථාන මාරුවීම් ලබා ඇති පොලිස් මාධ්ය කොට්ඨාසය සඳහන් කළා.
මීට අමතරව බන්ධනාගාර දෙපාර්තමේන්තුවේ මාණ්ඩලික නිලධාරින් 16 දෙනෙකුට ද ජුලි මස 02 වන දින සිට ක්රියාත්මක වන පරික් ස්ථාන මාරුවීම් ලබා දී තිබෙනවා.
නිලධාරින්ගේ ජ්යෙෂ්ඨත්වය හා සේවා අවශ්යතා මත බන්ධනාගාර දෙපාර්තමේන්තුවේ ආයතනික පරිපාලන කටයුතු වඩාත් විධිමත් කිරීමේ අරමුණින් අධිකරණ හා ජාතික ඒකාබද්ධතා අමාත්යාංශ ලේකම්වරයාගේ අනුමැතිය යටතේ මෙම ස්ථාන මාරුවිම් ලබා දී ඇති බව සඳහන්.
ඒ අනුව විශේෂ බන්ධනාගාර අධිකාරිවරුන් දෙදෙනෙකු, බන්ධනාගාර අධිකාරීවරයෙකු, සහකාර බන්ධනාගාර අධිකාරිවරුන් 13 දෙනෙකු සඳහා ස්ථානා මාරුවීම් ලබා දී ඇති බව බන්ධනාගාර මූලස්ථානය සඳහන් කළා.
