පොසොන් උත්සවය වෙනුවෙන් දිවයිනේ විවිධ ප්‍රදේශවලින් අනුරාධපුරය දක්වා අතිරේක බස් රථ යෙදවීමට කටයුතු කර ඇති බව ශ්‍රී ලංකා ගමනා ගමන මණ්ඩලය පවසනවා.
ශ්‍රී ලංකා ගමනා ගමන මණ්ඩලයේ නියෝජ්‍ය සාමාන්‍යධිකාරී පී.එච්.ආර්.ටී. චන්ද්‍රසිරි මාධ්‍ය වෙත අදහස් දක්වමින් මේ බව දැනුම් දුන්නා.
මේ වනවිටත් ක්‍රියාත්මක කර ඇති එම අතිරේක බස් රථ සේවාව ලබන 11 වනදා දක්වා ක්‍රියාත්මක බවයි නියෝජ්‍ය සාමාන්‍යධිකාරීවරයා පැවසුවේ.
මෙම අතිරේක බස් රථ සේවාව ක්‍රියාත්මක වුවද කාලසටහන් මත දෛනිකව අනුරාධපුරය බලා ධාවන වන ලංගම බස් රථ එම කාලසටහන් අනුව ධාවනය කෙරෙන බව ද ඔහු වැඩිදුරටත් සඳහන් කර සිටියා.
මේ අතර කොළඹින් පමණක් අනුරාධපුරය බලා අතිරේක බස් රථ 150ක් පමණ ධාවනය එක්කර ඇති බවත් ඔහු මෙහිදී පැවසුවා.
එමෙන්ම අනුරාධපුර සිට මිහින්තලය දකවා ද අමතර ලංගම බස්රථ සංඛ්‍යාවක් යෙදවීමට ද කටයුතු කර ඇති බවයි නියෝජ්‍ය සාමාන්‍යධිකාරීවරයා සඳහන් කර සිටියේ.
