72 වන ලෝක රූ රැජිණ තරගය ඊයේ (31) රාත්රියේ හයිද්රාබාද් හි HITEX ප්රදර්ශන මධ්යස්ථානයේදී අති උත්කර්ෂවත් ලෙස අවසන් වුණා.
මෙවර ලෝක රූ රැජිණ කිරුළ දිනාගැනීමට තායිලන්තය නියෝජනය කළ ඔපල් සුචතා චුවාංස්රිට හැකියාව ලැබුණා.
කාන්තාවන්ගේ සෞඛ්ය දැනුවත්භාවය ප්රවර්ධනය කිරීම සඳහා ඇයගේ සමබරතාවය, විශ්වාසය සහ කැපවීම තුළින් ඇය මෙම කිරුළ දිනා ගත්තා.
22 හැවිරිදි ඔපල් සුචතා ලොව පුරා තරඟකරුවන් 100 කට වැඩි පිරිසක් අභිබවායමින් මෙම කිරුළ ජයග්රහණය කිරීම විශේෂත්යක්.
ඉතියෝපියාව නියෝජනය කළ හැසෙට් ඩෙරෙජේ ඇඩ්මාසු 72 වන ලෝක රූ රැජිණ තරගයේ අනුශූරතාව ජයග්රහණය කළා.
මෙවර ලෝක රූ රැජින කිරුළ දිනූ ඔපල් සුචතා2003 මාර්තු 20 වැනි දින තායිලන්තයේ උපත ලබා ඇති අතර, ඇය ප්රසිද්ධ නිරූපිකාවක් සහ බහු රූපලාවන්ය තරග ජයග්රාහිකාවක් ද වනවා.
2024 වසරේ දී තායිලන්තේ රූ රැජින කිරුළ දිනාගනිමින් ඔපල් සුචතා 72 වන ලෝක රූ රැජිණ තරගය සඳහා ඉදිරිපත් වුණා.
මේ වනවිට තම්මාසාට් විශ්ව විද්යාලයේ දේශපාලනය සහ ජාත්යන්තර සබඳතා පිළිබඳ ශාස්ත්රවේදී උපාධියක් හදාරමින් සිටින ඇය ත්රයිභාෂා දක්ෂතාවයකින් යුක්ත තරුණියක් බවයි විදෙස් වාර්තා සඳහන් කළේ.
ඊට අමතරව සුරතල සතුන්ට දැඩිලෙස ආදරය දක්වන තැනැත්තියක් වන ඇය සතුව බළලුන් දහසය දෙනෙකු සහ බල්ලන් පස් දෙනෙකු සිටිනවා.
එමෙන්ම ජාත්යන්තර සබඳතා පිළිබඳ ශිෂ්යාවක් වන ඔපල් සුචතා තානාපතිවරියක් වීමට කැමැත්තෙන් පඩුවන බවයි පවසා ඇත්තේ.
ඔපල් මනෝවිද්යාව සහ මානව විද්යාව පිළිබඳ උනන්දුවක් දක්වන අතරම, ඇය පියයුරු පිළිකා වෙනුවෙන් සටන් කරන සංවිධාන සඳහා ස්වේච්ඡාවෙන් ඉදිරිපත් වී සහයෝගය දක්වන තැනත්තියක් ද වනවා.
මේ අතර සති ගණනාවක් පුරා අංශ කිහිපයක් ඔස්සේ පැවති 72 වන ලෝක රූ රැජිණ තරගයේ කූටප්රාප්තිය සනිටුහන් කරමින් 2024 ලෝක රූ රැජින ක්රිස්ටිනා පිස්කෝවා විසින් ජයග්රාහිකාව වූ ඔපල් සුචතා චුවාංස්රිට කිරුළු පළඳවනු ලැබුවා.
