අතීතයේ සිට ඉන්දියාව සහ ශ්රී ලංකාව අතර පවතින අන්යෝන්ය බැඳීම වර්තමානය වන විට වඩාත් ශක්තිමත් තත්ත්වයකට පත් ව ඇති බව ශ්රී ලංකාවේ ඉන්දීය මහ කොමසාරිස් සන්තෝෂ් ජා මහතා පවසනවා.
පේරාදෙණිය – පැණිදෙනිය හින්දු විද්යාලයට රුපියල් ලක්ෂ 35ක් පමණ වටිනාකමින් යුත් අධ්යාපන හා ක්රීඩා භාණ්ඩ තොගයක් ප්රදානය කිරීමේ අවස්ථාවට අද (15) දිනයේ දී එක්වෙමින් ඉන්දීය මහ කොමසාරිස්වරයා මේ බව ප්රකාශ කළා.
ඉන්දියානු රජයෙන් මේ වන විට ශ්රී ලංකාවේ මානව සංවර්ධනය උදෙසා වැඩසටහන් රැසක් ක්රියාත්මක කර ඇති බවත් අඩු ආදායම්ලාභී ජනතාවට රුපියල් බිලියන 02ක වියදමින් නිවාස සාදා දීමේ වැඩපිළිවෙළක් ක්රියාත්මක වෙමින් පවතින බව ද සන්තෝෂ් මහතා කියා සිටියා.
තේ වතු ආශ්රිත පාසල් සඳහා ස්මාර්ට් පන්ති කාමර 60ක් පමණ ලබා දී ඇති බවත් ඊට අමතර ව එම පාසල්වල ගුරුවරුන් 2000කට මානව සංවර්ධනයට ඉන්දීය රජය මගින් විශේෂ පුහුණු වැඩසටහන් ක්රියාත්මක කරන බවත් සඳහන් කළා.
මෙම අවස්ථාවට ඉන්දියානු සහකාර මහ කොමසාරිස් වී.එස්. සාරණ්යා මහත්මිය, හින්දු විදුහලේ විදුහල්පති එල්. රාමචන්ද්රන් මහතා ඇතුළු පිරිසක් එක් ව සිටියා.
