නිවෙස්වලම රෝගීන් ‘අවසන් හුස්ම හෙලන’ තත්ත්වයක් ! – PHI සංගමය කරුණු හෙළිකරයි

කොවිඩ් රෝගීන්ට නිවසේ රඳවා ගෙන ප්‍රතිකාර කිරීමට ගියහොත් විවිධ ගැටළු පැන නැගිය හැකි බව ශ්‍රී ලංකා මහජන සෞඛ්‍ය පරීක්ෂක සංගමයේ සභාපති උපුල් රෝහණ මහතා සඳහන් කළා

නිවෙස්වල සිටින රෝගියෙක් කඩිනමින් රෝහලට ගෙන යාමට පහසුකම් සෞඛ්‍ය වෛද්‍ය නිලධාරී කාර්යාල සතුව නොමැති බවත් වෛද්‍යවරු නිවෙස්වලට යාමට තරම් ප්‍රමාණවත් පිරිසක් නැති බවත් ඔහු පෙන්වා දෙනවා.

පහසුකම් නොලැබුනොත් මේ තත්ත්වය හමුවේ නිවෙස්වල රෝගීන් මිය යාමේ අවදානමක් තිබෙන බවත් එසේ වුවහොත් තත්ත්වය දරුණුවිමට ඉඩ ඇති බවත් ඔහු සඳහන් කළා.

කොවිඩ් 19 අවදානම් තැනකට තල්ල වී ඇති අතර බිම් මට්ටමේ පහසුකම් නොමැතිවීමෙන් ගැටළු මතුව ඇති බවත් රෝගීන් මහජන සෞඛ්‍ය පරීක්ෂකවරුන්ට දැනටමත් අසභ්‍ය වචනයෙන් බැණ වදින බවත් උපුල් රෝහණ මහතා සඳහන් කළා.