පසුගිය සතියේ දී ඉන්දීය කොංග්‍රස් පක්ෂයේ ප්‍රකාශිකා ලෙස කටයුතු කරන ෂාමා මොහොමඩ් විසින් ඉන්දීය ක්‍රිකට් කණ්ඩායමේ නායක රෝහිත් ෂර්මා හට සිදු කරන ලද වාග් අපහාසයක් බඳු වූ සටහනෙන් පසුව ශූරයින්ගේ කුසලානය සිය රටට උරුම කරදෙමින් නවසීලන්තය පරදා ලැබූ විශිෂ්ට ජයග්‍රහණය සඳහා උණුසුම් සුබ පැතු ම් කර තිබෙනවා.
මෙහි ඇති විශේෂත්වය වන්නේ දේශපාලනික සාමාජිකාවක වන ෂාමා රෝහිත්ගේ ශරීරයේ බර වැඩි බවත් ඔහු බර අඩු කරගැනීමට කටයුතු කළ යුතු බවත් ලොව ආකර්ෂණීය ම නොවන නායකයා ලෙස රෝහිත් ෂර්මා ව ඇයගේ X සටහනේ සටහනක් තබමින් ප්‍රකාශ කළා.
නමුත් මෙම X සටහනට විරුද්ධ ව ලෝකයේ බොහෝ ප්‍රේක්ෂකයින් දැඩි විරෝධය ෂාමාට එල්ල කළ පසුබිමක දී ඇයට ඇයගේ පක්ෂයෙන් දැනුම්දී ඇත්තේ එම ප්‍රකාශය ඉවත් කරන ලෙසටත්, නැවතත් සමාජ මාධ්‍ය භාවිත කිරීමේ දී මීට වඩා සැලකිල්ලෙන් කටයුතු කළ යුතු බවයි.
ඊයේ (09) රාත්‍රියේ දී ශූරයින්ගේ කුසලානය ජයග්‍රහණය කරමින් රෝහිත් ෂර්මාගේ නායකත්වයෙන් යුතු ඉන්දියාව නවසීලන්තය කඩුලු 04කින් පරාජයට පත් කරමින් විශිෂ්ට ජයක් ලැබුවා.
ලකුණු 252ක ඉලක්කයක් හඹා ගිය ඉන්දීය කණ්ඩායම වෙනුවෙන් නායක ශර්මා පන්දු 83ක දී ලකුණු 76ක් ලබා ගත් අතර ඔහු තරගයේ වීරයා බවට ද පත් වුණා.
පසුගියදා රෝහිත්ගේ ශරීර සෞඛ්‍ය ගැන විවේචන එල්ල කළ ෂාමා මොහොමඩ් ඉන් අනතුරුව ශර්මා ප්‍රමුඛ ඉන්දීය කණ්ඩායම ඩුබායි හි දී ලැබූ ජයග්‍රහණය වෙනුවෙන් X සටහනේ සුබ පැතුමක් ද පළ කර තිබෙන අයුරු දක්නට ලැබෙනවා.
”ChampionsTrophy2025 ජයග්‍රහණය කිරීමේ දී ඔවුන්ගේ විශිෂ්ට දස්කම් වෙනුවෙන් ඉන්දීය කණ්ඩායමට සුබ පැතුම්! ජයග්‍රහණය සඳහා පදනම සකසා දෙමින් විශිෂ්ට ලකුණු 76ක් සමඟින් පෙරමුණ ගත් නායක @ImRo45 (රෝහිත් ෂර්මා) ඇතුළු කණ්ඩායමට අපගේ කෘතඥතාව පළ කරමු. @ShreyasIyer15 (ශ්‍රෙයාර්ස් අයියර්) සහ @klrahul (කේ.එල්.රාහුල්) තීරණාත්මක ඉනිමක් ක්‍රීඩා කරමින් ඉන්දියාව කීර්තියට ගෙන ගියහ..” යනුවෙන්.
