ගෙවුණු පැය 24 තුළ සිදු වූ රිය අනතුරු දෙකකින් කුඩා දරුවෙකු ඇතුළු දෙදෙනකු ජීවිතක්ෂයට පත් ව තිබෙනවා.
ඊයේ (03) දහවල් එක් රිය අනතුරක් සිදු වූයේ චුන්නාකම් පොලිස් වසමේ උඩුවිල් ප්රදේශයේ දී ගොයම් කපන මැෂිමක් පටවාගෙන යමින් සිටි ට්රැක්ටර් රථයකට පිරිමි දරුවෙකු යටවීමෙන්.
බරපතළ තුවාල ලැබූ 11 හැවිරිදි දරුවා යාපනය රෝහලට ඇතුළත් කිරීමෙන් පසු ව මියගොස් ඇති බවට පොලිසිය පවසනවා.
මියගිය දරුවා, චුන්නාකම් ප්රදේශයේ පදිංචිකරුවෙක්.
මියගිය දරුවා ඔහුගේ පියා විසින් පදවන ලද ට්රැක්ටර් රථයේ පටවා තිබූ ගොයම් කපන මැෂිමට නැඟීමට උත්සහා කිරීමේදී බිමට ඇද වැටී එම ට්රැක්ටර් රථයේ පිටුපස රෝදයට යටවීමෙන් මෙම අනතුර සිදුව ඇති බවට හෙළි ව තිබෙනවා.
මේ අතර ඊයේ රාත්රී කාලයේ, මාරවිල පොලිස් වසමේ පෑලියගොඩ පුත්තලම මාර්ගයේ බෑංකඩ හන්දිය අසල දී පෑලියගොඩ දෙස සිට පුත්තලම දෙසට ධාවනය වූ පෞද්ගලික බස් රථයක පදික මාරුව හරහා ගමන් කළ පදික කාන්තාවක් ගැටී අනතුරක් සිදු ව තිබෙනවා.
අනතුරින් බරපතළ තුවාල ලැබූ පදික කාන්තාව මාරවිල රෝහලට ඇතුළත් කිරීමේ දී මියගොස් ඇති බවයි පොලිස් මාධ්ය ප්රකාශක කාර්යාලය වාර්තා කළේ.
මෙලෙස මියගොස් ඇත්තේ 46 හැවිරිදි සිරිමැදුර පාර, කටුනේරිය ප්රදේශයේ පදිංචිකාරියක්.
