කොළඹ ආනන්ද විද්‍යාලය සහ නාලන්දා විද්‍යාලය අතර 95 වන වරටත් පැවති ‘සුලෝහිත සංග්‍රාමය’ මහා ක්‍රිකට් තරගය ජය පරාජයෙන් තොරව අද (02) අවසන් වුණා.
දින තුනක් පුරා කොළඹ SSC ක්‍රීඩාංගණයේදී පැවති මෙම තරගයේ පළමුව පන්දුවට පහරදුන් ආනන්ද කණ්ඩායම සිය පළමු ඉනිමට කඩුලු 06ක් දැවී ලකුණු 324ක් රැස්කරගෙන සිටිය දී ඉනිම අත්හිටුවීමට තීරණය කළා.
අනතුරුව සිය පළමු ඉනිම ක්‍රීඩා කළ නාලන්දා කණ්ඩායම කඩුලු 06ක් දැවී ලකුණු 325ක් රැස්කරගෙන සිටිය දී ඉනිම අත්හිටුවීමටයි තීරණය කළේ.
ඒ, අනුව නාලන්ද ඉනිමට වඩා එක් ලකුණක් පිටුපසින් සිටිමින් දෙවන ඉනිම ආරම්හ කළ ආනන්ද කණ්ඩායම අවසන් දිනය වූ අද දින නිමාවන විට එක් කඩුල්ලක් දැවී ලකුණු 27ක් රැස්කරගෙන සිටියා.
ඒ, අනුව මෙම තරග ජය පරාජයෙන් තොරව අවසන් වුණා.
විද්‍යාල දෙක අතර පැවැත්වෙන ‘සුලෝහිත සංග්‍රාමය’ මහා ක්‍රිකට් තරගය ජය පරාජයෙන් තොරව අවසන් වූ 76 වන අවස්ථාව මෙය වනවා.
මේ දක්වා පවත්වා ඇති තරග අතරින් තරග 12ක් ආනන්ද විද්‍යාලය ජයගෙන ඇති අතර, තරග 07ක ජය හිමිව ඇත්තේ නාලන්දා විද්‍යාලයටයි.
