සෞදි අරාබියේ රියාද් නුවර සිට කටුනායක ගුවන් තොටුපොළ වෙත පැමිණි ගුවන් යානය තුළ ගමන් ගනිමින් සිටි ශ්‍රී ලාංකික කාන්තාවක් අද (21 උදෑසන එම ගුවන් යානය තුළ ම ජීවිතක්ෂයට පත් ව තිබෙනවා.
දසත ගුවන්තොටුපොළ වාර්තාකරු පැවසුවේ; මැණික් අප්පුලාගේ මංගලිකා නමැති 49 හැවිරිදි කාන්තාවක් මෙලෙස ජීවිතක්ෂයට පත් ව ඇති බවයි.
ඇය සෞදි අරාබියේ ගෘහ සේවයේ යෙදී සිටි ශ්‍රී ලාංකික කාන්තාවක් විය හැකි බවට මේ පිළිබඳ විමර්ශන සිදු කරන කටුනායක ගුවන් තොටුපොළ පොලිසියේ නිලධාරීන් සැක පළ කරනවා.
අද උදෑසන 06.55ට සෞදි අරාබියේ රියාද් නුවර සිට ශ්‍රී ලන්කන් ගුවන් සේවයේ යූ.එල්.- 266 දරන ගුවන් යානයෙන් කටුනායක ගුවන් තොටුපොළ වෙත පැමිණෙමින් සිටියදී, ගුවන් යානය තුළ මෙම මරණය සිදු වී තිබෙනවා.
මෙසේ මියගොස් සිටින කාන්තාව පිළිබඳ වෙනත් වැඩිදුර තොරතුරු සොයා ගැනීමට කටුනායක ගුවන්තොටුපොළ පොලිසිය ප්‍රයත්න දරමින් සිටින අතර, මෙම මෘත දේහය මීගමුව මහ රෝහල වෙත යොමු කර ඇති බවයි.
