ජාත්‍යන්තර පොලිසිය මගින් රතු නිවේදන නිකුත් කර තිබූ ONMAX DT තහනම් පිරමීඩ යෝජනා ක්‍රමයක් ආරම්භ කිරීම සඳහා වෙබ් අඩවියක් නිර්මාණය කිරීම හා එය ප්‍රවර්ධන කිරීම සම්බන්ධයෙන් ප්‍රධාන සැකකරුවෙකු අපරාධ පරීක්ෂණ දෙපාර්තමේන්තුව විසින් අද (21) පෙරවරුවේ ඩුබායි සිට ගුවන් මගීන් මෙරටට ගෙන ආවා.
පොලිස් මාධ්‍ය ප්‍රකාශක කාර්‍යාලය නිවේදනය කළේ ඉහත චෝදනා සම්බන්ධයෙන් සැකකරුට එරෙහිව කොළඹ ප්‍රධාන මහේස්ත්‍රාත් අධිකරණය වෙත කරුණු වාර්තා කර තිබූ බවයි.
සැකකරු අධිකරණය මගින් ඇප මත මුදාහැර සිටියදී ඔහු 2023 වර්ෂයේ දී විදේශගත වී තිබෙනවා.
වෑකයලාගේ ගයාන් චාමර වික්‍රමතිලක නමැති 33 හැවිරිදි අයෙක් මෙලෙස අත් අඩංගුවට ගැනුණා.
ඔහු මෘදුකාංග ඉංජිනේරු ශිල්පියෙකු වන අතර හෙතෙම පන්නිපිටිය – රුක්මලේ පාර ප්‍රදේශයේ පදිංචිකරුවෙක්.
සැකකරු සම්බන්ධයෙන් අපරාධ පරීක්ෂණ දෙපාර්තමේන්තුවේ මූල්‍ය හා වාණිජ අපරාධ විමර්ශන අංශය මගින් වැඩිදුර විමර්ශන කටයුතු සිදු කරනවා.
