කොළඹ අංක 6 මහාධිකරණයේ පවත්වාගෙන ගිය නඩුවකට අදාළ නඩු භාණ්ඩ වශයෙන් තිබූ හෙරොයින් ප්රමාණයක් අස්ථානගත වීමේ සිද්ධියක් සම්බන්ධයෙන් වහාම විමර්ශනයක් පවත්වා අධිකරණයට කරුණු වාර්තා කරන ලෙස කොළඹ ප්රධාන මහේස්ත්රාත් තනූජා ලක්මාලි මහත්මිය අපරාධ පරීක්ෂණ දෙපාර්තමේන්තුවට අද (13) නියෝග කළා.
මෙම අධිකරණයේ නඩු භාණ්ඩ වශයෙන් තිබූ හෙරොයින් යම් ප්රමාණයක් අස්ථානගත වී ඇති බවට එහි රෙජිස්ටර්වරයා වන එස්.පී.ටී. රංජිත් මහතා විසින් තම දෙපාර්තමේන්තුවට කරන ලද පැමිණිල්ලකට අනුව විමර්ශන කටයුතු සිදුකරන බව අපරාධ පරීක්ෂණ දෙපාර්තමේන්තුවේ නිලධාරීන් අධිකරණයට කළ දැනුම් දීමෙන් පසුව මහේස්ත්රාත්වරිය විසින් මෙලෙස නියෝග කෙරුණා.
මෙම සිද්ධියට අදාළව රස පරීක්ෂක වර්තා කැඳවීමට අවශ්ය පියවර ගන්නා ලෙස ද අධිකරණයෙන් නියම කෙරුණු බවයි දසත අධිකරණ වාර්තාකරු පැවසුවේ.
