තීරුබදු නොගෙවමින්, මෙරටට ගෙන ආ රුපියල් ලක්ෂ 25ක් පමණ වටිනා විස්ක් බෝතල් 88ක් සමග විදේශීය ගුවන් මගියෙකු අත් අඩංගුවට ගෙන තිබෙනවා.
දසත වාර්තාකරු සඳහන් කළේ; ගුවන් තොටුපොළේ කිසිවක් ප්රකාශ කිරීමට නොමැති හරිත මාවත ඔස්සේ මෙම විස්කි බෝතල් සැකකාර විදේශිකයා විසින් පිටමං කිරීමට උත්සාහ කර ඇති බවයි.
සැකකරුව ඊයේ (02) අත්අඩංගුවට ගත්තේ ගුවන් තොටුපොළ අපරාධ පරීක්ෂණ දෙපාර්තමේන්තු නිලධාරීන් පිරිසක් විසින්.
මොහු 42 හැවිරිදි වියේ පසුවන ඉන්දියාවේ චෙන්නායි ප්රාන්තයේ පදිංචිකරුවෙක්.
සැකකරු ඊයේ පස්වරු 02.00ට ඉන්දියාවේ – බැංගලෝර් නුවර සිට ශ්රී ලන්කන් ගුවන් සේවයේ යූ.එල්.- 1174 දරන ගුවන් යානයෙන් කටුනායක ගුවන් තොටුපොළ වෙත පැමිණ තිබුණා.
සැකකාර ගුවන් මගියාගේ බෑගය පරීක්ෂා කිරීමේ දී එහි තිබී ශ්රී ලාංකික ගමන් බලපත්ර 19ක් ද සොයා ගැනීමට හැකි ව තිබෙනවා.
සිද්ධිය සම්බන්ධයෙන් පුළුල් විමර්ශන ක්රියාත්මක අතර මෙම ඉන්දීය ජාතිකයා සමග විස්කි බෝතල් තොගය සහ ශ්රී ලාංකික ගමන් බලපත්ර ද අද දින මීගමුව මහේස්ත්රාත් අධිකරණය වෙත ඉදිරිපත් කෙරුණා.
එහිදී ඔහු එළඹෙන 06 තෙක් රක්ෂිත බන්ධනාගාරගත කිරීමට නියෝග කර ඇති බවයි වාර්තා වන්නේ.
