කළුතර, වස්කඩුව ප්‍රදේශයේ ප්‍රසිද්ධ හෝටලයක ඊයේ (30) පැවති මංගල උත්සවයක දී බස්වීමක් දුර දිගේ යාමේ දෙපිරිස අතර ඇති වූ ආරවුලක් හටගෙන තිබෙනවා.
මේ සම්බන්ධයෙන් පැමිණිල්ලක් ලැබී ඇති බවයි කළුතර උතුර පොලිසිය සඳහන් කළේ.
වෛද්‍යවරයෙකුගේ මංගල උත්සවයක් අතර තුර මෙම ගැටුම හටගෙන ඇති අතර, මීට සහභාගී වී සිටි වැඩි පිරිසක්වෛද්‍ය වරුන් බවයි වාර්තා වන්නේ.
තම මිත්‍රයාගේ මංගල උත්සවය අතරතුර මත්පැන් පානය කළ වෛද්‍යවරුන් පිරිස නටමින් විනෝද වී සුළු වෙලාවකින් එම වෛද්‍යවරුන් අතර බහින් බස්වීමක් සිදුව තිබෙනවා.
මද වෙලාවකින් එම බහින් බස්වීමක් දුරදිග යාමෙන් වෛද්‍යවරුන් පිරිස ගුටිබැට හුවමාරු කරගෙන ඇති බවයි පොලිසිය සඳහන් කළේ.
පසුව මංගල උත්සවයට සහභාගී වී සිටි දෙපිරිසේම ඥාතීන් විසින් මහත් වෙහෙසක් දරා වෛද්‍යවරුන් පාලනය කිරීමට කටයුතු කර ඇති බවයි වාර්තා වන්නේ.
ගැටුමෙන් අනතුරුව දෙපිරිසම කළුතර උතුර පොලිසියට පැමිණ සිද්ධිය සම්බන්ධයෙන් පැමිණිලි කර ඇති අතර, ඔවුන් ප්‍රතිකාර ලබාගැනීම කළුතර නාගොඩ රෝහල යන බව පවසා පොලිසියෙන් පිටව ගොස් තිබෙනවා.
wpDiscuz
