කල් ඉකුත් වූ මගී ප්‍රවාහන අවසර පත්‍රයක් යොදා ගනිමින් ධාවනය කළ සුඛෝබභෝගී බස් රථයක් පොලිස් භාරයට ගෙන තිබෙනවා.
දසත ප්‍රාදේශීය වාර්තාකරු පැවසුවේ මෙම වැටලීම හැටන් – නුවරඑළිය ප්‍රධාන මාර්ගයේ ධාවනය කරමින් තිබූ බස් රථයක් නවත්වා පරීක්ෂා කිරීමේ දී නිරීක්ෂණය වීමෙන් අනතුරුව අත්අඩංගුවට ගත් බවයි.
කල් ඉකුත් වු මගී ප්‍රවාහන අවසර පත්‍රයක් සහිතව හැටන් – නුවරඑළිය ප්‍රධාන මාර්ගයේ සුඛෝබපභෝගී බස් රථයක් ධාවනය කරන බවට පොලිස් හදිසි ඇමතුම් ඒකකය (119) වෙත ලැබුණු පණිවිඩයක් මත හැටන් පොලිසියේ රථ වාහන අංශයේ නිලධාරින් හැටන් බස් නැවතුම්පොළේ දී එම බස් රථය පරීක්ෂා කෙරුණා.
බස් රථය හැටන් පොලිස් භාරයට ගෙන ඇති අතර, බස් රථයේ රියදුරා සහ හිමිකරුට එරෙහිව හැටන් මහෙස්ත්‍රාත් අධිකරණය හමුවේ නෛතික පියවර ගන්නා බව හැටන් පොලිසියේ රථ වාහන අංශයේ නිලධාරින් පැවසුවා.
කල් ඉකුත් වු මගී ප්‍රවාහන අවසරපත්‍රය මධ්‍යම පළාත් මාර්ගස්ථ ප්‍රවාහන අධිකාරිය විසින් තාවකාලිකව නිකුත් කළ අවසරපත්‍රයක් බවත්, හැටන් බස් නැවතුම්පොළේ ස්ථානාධිපතිවරයා සහ ඇතැම් වේලාවන් සටහන්කරුවන්ගේ සහාය ඇතිව මෙම බස් රථය ධාවනය කර ඇති බවට සිදු කරන ලද විමර්ශනවල දී හෙළිව තිබෙනවා.
