සිය ජාත්යන්තර මංගල ටෙස්ට් තරගයේ දී කුළුදුල් ශතකය ලැබූ 21 වැනි ඔස්ට්රෙලියානු පිතිකරුවා වීමට ජෝෂ් ඉංග්ලිස් (Josh Inglis) මීට ටික වේලාවකට පෙර (30) සමත් වුණා.
වෝර්න් – මුරලි ටෙස්ට් කුසලානයේ පළමු තරගය මේ වන විට ගාල්ලේ දී පැවැත්වෙන අතර එම තරගයේ දෙවැනි දිනය වන අද දිනයේ දීයි ඉංග්ලිස් මෙම දක්ෂතාව දැක්වූයේ.
ශ්රී ලංකාවට එරෙහිව ඊයේ (29) දිනයේ දී ජාත්යන්තර මංගල ටෙස්ට් වරම් ඉංග්ලිස් දිනාගත්තා.
ටෙස්ට් ආකෘතියෙන් මඳක් බැහැර වී එක්දින ආකෘතියකට පිතිකරණයේ නිරත වෙමින් ඉංග්ලිස් සිය ශතකය ලබාගත්තේ පන්දු 91කදියි.
ඔහුගේ මෙම ශතකයට හතරේ පහර 10ක් සහ එක් හයේ පහරක් ඇතුළත් වුණා.
මේ වනවිට ඔස්ට්රෙලියාව සිය පළමු ඉනිමට කඩුලු 05ක් බිඳ වැටී ලකුණු 568ක් ලබා සිටිනවා.
පස්වැනි කඩුල්ලට බිලි වූයේ ලකුණු 102ක් ලබා සිටි ඉංග්ලිස් වන අතර ඒ ප්රභාත්ගේ පන්දුවක් හමුවේයි.
විශිෂ්ට ඉනිමක් ක්රීඩා කළ උස්මන් කවාජා ලකුණු 232ක් රැස් කළා.
