වාරියපොළ, හිඳගොල්ල ප්‍රදේශයේ පිහිටි ගල් වළක දිය නෑමට ගොස් සිටි දරුවන් දෙදෙනෙකු ගෙන් එක් දරුවෙකු දියේ ගිලී ජීවිතක්ෂයට පත්ව තිබෙනවා.
පොලිසිය පවසන්නේ ඊයේ (25) පස්වරුවේ සිදු වූ මෙම අනතුරින් මියගොස් ඇත්තේ වයස අවුරුදු 13ක දරුවෙක් බවයි.
මෙම දරුවන් දෙදෙනා මෙම ගල් වළේ නෑමට ගොස් සිටින අතර තුර දියේ ගිලී සිටිය දී ප්‍රදේශවාසින් විසින් මොවුන්ව බේරාගෙන රෝහල් ගතකර ඇති බවයි වාර්තා වුණේ.
එලෙස රෝහල් ගතකර දරුවන් දෙදෙනාගෙන් එක් දරුවෙකු ප්‍රතිකාර ලබමින් සිටිය දී මෙලෙස මියගොස් ඇති අතර, 16 හැවිරිදි අනෙක් දරුවා වැඩිදුර ප්‍රතිකාර සඳහා කුරුණෑගල රෝහල වෙත මාරුකර යවා තිබෙනවා.
මෙම සිද්ධියෙන් මියගිය දරුවා බණ්ඩාරකොස්වත්ත ප්‍රදේශයේ පදිංචිව සිටි පිරිමි දරුවෙක්වන අතර, සිද්ධිය සම්බන්ධව වාරියපොළ පොලිසිය විමර්ශන සිදුකරනු ලබනවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
