සහල් ආනයනයට දී තිබූ කාලය අද (10) මධ්‍යම රාත්‍රියෙන් අවසන් වනවා.
වෙළෙඳ පාරිභෝගික හා ආහාර සුරක්ෂිතතා අමාත්‍යාංශය ප්‍රකාශ කළේ එම අද (10) මධ්‍යම රාත්‍රියෙන් පසු මෙරටට පැමිණෙන සහල් තොග ආපසු හරවා යවන බවයි.
සහල් ආනයනය සඳහා රජය විසින් ලබා දී තිබූ අවස්ථාව උපයෝගි කර ගනිමින් සහල් මෙට්‍රික් ටොන් 125,000 කට වැඩි ප්‍රමාණයක් ආනයනය කර ඇති බවයි වාර්තා වුණේ.
කෙසේ වෙතත් රජයේ මැදිහත්වීමෙන් ආනයනය කරනු ලැබුවේ සහල් මෙට්‍රික් ටොන් 5000ක් පමණයි.
රට තුළ ඇතිව තිබූ සහ හිඟය සහ මිල ඉහළ යෑමට පිළියමක් ලෙස සහල් ආයනය සඳහා පෞද්ගලික ආනයනකරුවන්ට සහල් ආනයනය සඳහා අවසර ලබා දෙනු ලැබුවා.
ඒ, සඳහා 2024 දෙසැම්බර් මස 02 වනදා රැස් වූ අමාත්‍ය මණ්ඩලයේ අනුමැතිය ද හිමි වූ අතර, ඒ අනුව ආනයන පාලන බලපත්‍ර ලබා ගැනීමකින් තොරව පසුගිය දෙසැම්බර් 20 වනදා දක්වා සහල් ආනයනය සඳහා අවසර ලබා දුන්නා.
කෙසේ වෙතත් එම අවසරය අද (10) දිනය දක්වා දීර්ඝ කිරීමටයි පසුව රජය තීරණය කරනු ලැබුවේ.
